गण्डक न्युज पोखरा, २२ मंसिर। कास्कीमा जारी मतगणना अनुसार कास्की क्षेत्र नं. ३ मा बाम गठबन्धनका तर्फबाट नेकपा एमालेका जगत विश्वकर्मा अगाडि रहेका छन् । नेपाली काँग्रेसका पाका नेता शुक्रराज शर्मा पछि पछि छन् ।

एमालेका बिकले ६६५ मत ल्याएका छन् । शर्माले ५२५ मत ल्याएका छन् ।

प्रतिनिधिसभा निर्वाचन क्षेत्र नं ३ मा ११ जना प्रतिष्पर्धामा छन् । प्रतिनिधिसभाको लागि वाम गठवन्धनवाट नेकपा एमालेका जगतवहादुर विक र नेपाली काँग्रेसवाट शुक्रराज शर्माको उम्मेदवारी परेको छ ।

राष्ट्रिय जनमोर्चावाट हिमलाल गौतम, नयाँ शक्तिवाट नारायणप्रसाद भण्डारी, संघीय समाजवादी फोरमवाट डिलवहादुर नेपाली, दलित पार्टीवाट दुर्गावहादुर कामी, देशभक्त जनगणतान्त्रिक मोर्चावाट भोजराज त्रिपाठी, विवेकशिल साझावाट मिलन अधिकारी , मंगोल नेशनल अर्गनाईजेशनवाट गोविन्द वहादुर गजमेर, जनसमाजवादी पार्टीवाट रमेश वसेल र स्वतन्त्र उम्मेदवार दुर्गादत्त तिमिल्सना चुनावी प्रतिष्पर्धामा छन् ।