गण्डक न्युज पोखरा, ८ माघ / ताओ एशोसियसन अफ नेपालले सत्यताको मार्ग ताओको प्रवचन र टिका ग्रहण कार्यक्रम सम्पन्न गरेको छ ।
पोखरा बगर स्थित ताओ साधना केन्द्रमा सोमबार भएको ताओ सेमिनारमा एक सय बढिले सहभागिता जनाए । कार्यक्रममा ताईवानबाट आएका गुरु छेएनरनले ताओको सत्यताको मार्ग र असल मान्छे कसरी बन्ने भन्ने बारेमा प्रवचन दिए । थाहा नभएका व्यक्तिलाई राम्रो कुरा थाहा दिनु, खराबलाई असल बनाउनु र नैतिकवान् बनाउनु नै ताओको मूल भाव रहेको उनले जनाए ।
ताओ गुरु तारा आचार्यले ताओ धर्म सम्प्रदाय नभई दर्शन भएको बताए । अहिलेको समाजलाई ताओको दर्शन अपरिहार्य रहेको जनाउँदै उनले मानिसलाई सत्मार्गमा हिँडाउन यसको आवश्यकता बोध गराए ।
अर्का ताओ गुरु आनन्द दाहालले कार्यक्रमको महत्वमाथि प्रकाश पार्दै स्वागत प्रवचन दिए । सो अवसरमा ताओ साधकहरु चन्द्रावति गुरुङ र अर्जुन पोखरेलले थाइल्याण्ड र मलेसियामा ताओको वृत्तिविकास सम्बन्धमा गरिएको भ्रमणबारे अनुभव सुनाए ।
कार्यक्रमको सञ्चालन ताओ साधिका नम्रता बरालले गरेकी थिईन् । हरेक शनिबार पूर्वान्ह ११ बजेदेखि १ बजेसम्म ताओ साधना केन्द्र बगरमा ताओ प्रवचन कार्यक्रम आयोजना हुँदै आएको छ ।
सम्बन्धित खबर
तिनाउ नदीमा डुबेर बागलुङका एक बालकको मृत्यु, एक बेपत्ता
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग