गण्डक न्युज पोखरा, १० माघ / तनहुँ जिल्लाको व्यास नगरपालिका १२ घासीकुवाँमा मोटरसाइकल दुर्घटना हुदाँ एक युवकको मृत्यु भएको छ । मृत्यु हुनेमा पोखरा लेखनाथ महानगरपालिका ६ बस्ने २० वर्षीय विवेक अधिकारी रहेको प्रहरीले जानकारी दिएको छ ।
पृथ्वीराजमार्गमा पोखराबाट जाँदै गरेको ग १० प ३९०१ नम्वरको मोटरसाईकल सोहि दिशा तर्फ गईरहेको ग १ ख ४५८० नम्वरको ट्रकमा ठक्कर खाँदा मोटरसाईकल चालक अधिकारीको मृत्यु भएको हो । ट्रकलाई ओभरटेक गर्ने क्रममा विपरित दिशाबाट एक्कासी ट्रक आएको र सो ट्रकबाट बच्न खोज्दा आफैले ओभरटेक गरेको ट्रकको पांग्रामुनी परेको बाईक पछाडि सवार उनका साथीले बताएका छन् ।
कम्मर मुनीको भाग किचिएर घाइते भई उपचारको लागि पोखराको फेवासिटी अस्पतालमा ल्याइएकोमा गाडीबाट नझार्दै उनलाई रेफर गरिएको छिमेकीले बताएका छन् । गण्डकी मेडिकल कलेज लगिएकोमा उनलाई त्यहीं मृत घोषणा गरिएको हो ।
विवेक लेकसाईड स्थित मिडल इस्ट होटलका सञ्चालक निरज अधिकारीका छोरा हुन् । उनी परिवारका एकमात्र छोरा हुन् । विवेक आफ्नै ड्युक बाईक भएपनि बुबाको २२० पल्सर लिएर साथीसँग पोखराबाट हिँडेका थिए । परिवारलाई नभनी पासपोर्ट बनाउने भन्दै हिँडेका उनीहरु दुर्घटना पश्चात् मात्र परिवारले थाहा पाएको जानकारले गण्डक न्युजलाई बताएको छ ।
सम्बन्धित खबर
अर्जुनचौपारीमा निर्मित नवग्रह मन्दिरको पर्यटनमन्त्रीद्वारा उद्घाटन
मनाङमा एउटा एम्बुलेन्ससमेत छैन
हिसान फुटसलमा गुरुकुल र कास्की मोडनाइज फाइनलमा
सहारा युकेका महासचिव गुरुङको सहारा आ.वि.मा सहयोग
द आर्ट अफ लिभिङद्वारा कैदीबन्दीलाई योग ध्यान र ज्ञानसम्बन्धी निःशुल्क तालिम
चिप्ली गाउँमा फागुन १३ देखि महाशिवरात्री मेला
यो पनि पढौँ
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो
पोखरामा बढ्यो प्रदूषण, बन्याे देशको प्रदूषित सहर