गण्डक न्युज पोखरा, १३ माघ / पोखरा लेखनाथ महानगरपालिका तालचोक नजिकै आदर्श चोकमा मोटरसाइकल र स्कुटर एकआपसमा ठोक्किँदा दुई जना गम्भिर घाईते भएका छन् । राति ८ः४१ बजे भएको सो दुर्घटनामा परी मोटरसाईकल चालक गम्भिर घाईते छन् ।

तालचोकमा जारी लेखनाथ महोत्सवमा कन्सर्ट हेरेर पृथ्वीराजमार्ग अन्तर्गत गगनगौंडातर्फ गईरहेको ग १२ प १२६० नम्बरको मोटरसाईकल र विपरित दिशाबाट आईरहेको ग १२ प ३३९५ नं. को स्कुटर जुधेको हो ।

प्रत्यक्षदर्शीका अनुसार मोटरसाईकल तीब्र गतिमा गुडेको थियो र उसले स्कुटरलाई ठक्कर दिएको हो । यो समाचार तयारा पार्दासम्म ठक्कर दिने बाइक चालकको अवस्था चिन्ताजनक रहेको छ । स्कुटर चालक समेत युवक नै हुन् । उनीहरु दुवैको नाम वतन खुलिसकेको छैन ।

घाईते दुवैलाई मनिपाल अस्पताल लगिएको छ । दुर्घटना पश्चात् डाँडाकोनाक चौकीबाट प्रहरी टोली पुगेर घाइतेहरुलाइ भ्यानमै राखी अस्पताल लगेको हो । लेखनाथ महोत्सवमा डि मोर्चाको कन्सर्ट हेरेर बाइक चालक फर्किएको बुझिएको छ । बाइक चालकले अनियन्त्रित तबरमा बाइक चलाएको प्रत्यक्षदर्शीले बताए ।

.

.

.

तस्विरः मनिष पहारी (हाम्रो पोखरा)