पोखरा, माघ १६ । पोखराको मालेपाटनमा सार्वजनिक बिदाको दिन पोखरा लेखनाथ महानगरपालिकाको मोटरसाईकल दुर्घटना भएको छ । जिन्सी शाखामा काम गर्ने अस्थायी कर्मचारी हरी बराल बरालले मापसे गरी मोटरसाइकल चलाउँदा अनियन्त्रित भई दुर्घटना भएको हो ।

पोखरा लेखनाथ महानगरपालिकाका जिन्सि शाखामा कार्यरत बरालले मंगलबार बेलुका करिब ७ः१५ बजे पोखरा ५ मालेपाटनमा ग ११ प ५२४ नम्बरको स्कुटरलाई ठक्कर दिदा स्थानिय बिष्णु थापा घाइते भएका हुन । प्रहरीले पुम्दी भुम्दी २२ का २१ बर्षीय कर्मचारी बराल र मोटरसाईकललाई नियन्त्रणमा लिएको छ ।

२३ बर्षीय घाईते थापालाई मोटरसाईकलले ठक्कर दिदा नाकबाट रगत समेत बगेको स्थानियले जनाए । प्रहरीका अनुसार घाइते दुबैको स्थानीय मेडिकलमा उपचार भइरहेको छ ।

रक्सी पिएर ग १ ब २५६ नम्बरको सरकारी मोटरसाईकल चलाएका कारण दुर्घटना भएको प्रहरीले जनाएको छ । बरालले मापसे गरेको पुष्टि भएको र थप अनुसन्धान भइरहेको प्रहरीले जनाएको छ । मोटरसाईकल चालकलाई बैदाम प्रहरीले नियन्त्रणमा राखेको छ । सरकारी गाडी लिएर ब्यक्तिगत काममा हिड्ने पोखरामा पहिलेदेखि कै समस्या हो ।