पोखरा, १ फागुन । पोखरा लेखनाथ महानगरपालिका वडा न ६ शिबमन्दिर परिसर गौरीघाटमा निर्मित पार्कको मंगलबार उद्घाटन गरिएको छ।
पार्कको प्रतिनिधिसभासभा सदस्य रबिन्द्र अधिकारी र प्रदेशसभाका सदस्य राजिब पाहारीले उद्घाटन गरेका हुन्। उद्घाटन गर्दै सांसद अधिकारीले पर्यटकीय क्षेत्र लेकसाइड अब सफा र आकर्षक मात्रै नभई संसारकै उत्कृष्ठ गन्तब्य बनाउन लागि पर्ने भन्दै यो क्षेत्रकै पर्यटकीय गहना फेवातालको संरक्षणका निम्ति विशेष कार्यक्रम बनिसकेको बताए।
नयाँ सरकारको गठनसंगै अब बन्ने सरकार बिशेष कार्ययोजनासहित अघि बढ्ने जानकारी दिए। भर्खरै पोखरा लेखनाथ महानगरसंगको सहकार्यमा निर्वाचान क्षेत्र विशेष पूर्वाधार बिकास कार्यक्रममार्फत ताल सफा गर्ने मेसिन आएको र त्यसले कार्य शुरु गरिसकेको बताए। फेवातालको माटो फाल्ने बिषय दिर्घकालीन रुपमा अघि बढाउनुपर्ने भन्दै क्षणिक रुपमा पटक पटक काम गर्नु नपर्ने गरी कार्यक्रम बनाइने उनले बताए।

त्यस्तै, प्रदेश न ४ का प्रदेशसभा सांसद राजिब पहारीले कुनैपनि बहानामा अब तालको संरक्षण र संबद्र्धनविरुद्ध आउने षडयन्त्रलाई परास्त गर्ने भन्दै जनताको साथमा अब लेकसाइडलाई प्रबिधियुक्त क्षेत्र बनाउने प्रतिबद्धता जनाए। कार्यक्रममा नागरिक समाजका अगुवा बिष्णुहरि अधिकारी, पोखरा पर्यटन परिषदका अध्यक्ष केदार शर्मा पोखरा लेखनाथ महानगर वडा न ६ का अध्यक्ष भरतबहादुर पहारी लगायतले मन्तब्य ब्यक्त गरेका थिए।
सो निर्माणकार्य सम्पन्न गर्न ४ लाख ९ हजार खर्च भएको थियो। जसमा सांसद अधिकारीको निर्बाचन क्षेत्र बिकास कार्यक्रमबाट १ लाख र बाँकी स्थानीय सहभागिताबाट जुटाइएको आयोजकले जानकारी दिएको छ।
शिबमन्दिरपार्क निर्माण समितिका अध्यक्ष लभ भुजेलको अध्यक्षतामा सम्पन्न कार्यक्रममा गौरीघाट बाताबरण तथा समाज सुधार समितिका अध्यक्ष कुश भुजेलले स्वागत र निर्माण समितिका सचिब कृष्ण पहारीले कार्यक्रम संचालन गरेका थिए।

सम्बन्धित खबर
स्याङ्जामा वैशाख १६ देखि पालिका स्तरीय पुरुष क्रिकेट प्रतियोगिता हुने
मुग्लिन–पोखरा सडकः तनहुँको दमौली बजारमा धमाधम कालोपत्र हुँदै
११ वर्षीया नाबालिकलाई करणी गरेको आरोपमा स्याङ्जाका एकजना पक्राउ
पोखरा विमानस्थल निर्माणका क्रममा १४ अर्ब भ्रष्टाचार भएको निष्कर्ष
वैशाखभर सबै जाँचमा ३० प्रतिशत छुट, न्युरोडमा थाइराइड सित्तैमा
ऐतिहासिक काल्खु मेलाः खुल्ला नृत्य प्रतियोगितामा अनुस्का च्याम्पियन
यो पनि पढौँ
पोखरामा पेट्रोल पम्प जोडिएको घरमा लागेको आगो समयमै निभाउँदा ठूलो क्षति टर्यो
शान्ति निकेतनले १५ करोड लागतमा अत्याधुनिक सुविधायुक्त भवन बनाउँदै
सङ्खुवासभामा लेक लागेर तनहुँका डाक्टर सिग्देलको मृत्यु
तनहुँको गल्छिनामा दुई बाइक ठोक्किँदा १९ वर्षीय किशोरको मृत्यु