किरण श्रेष्ठ तनहुँ, २७ फागुन / तनहुँ सदरमुकाम दमौली बजार नजिक व्यास नगरपालिका वडा नम्बर ३ शान्तिनगरमा ग्याङ फाइट भएको छ।
आइतबार साँझ दुई युवा समूह बिच डरलाग्दो झडप भएको हो । झडपमा ४ जना युवाहरू घाइते भएका छन । घाइते मध्ये २ जनाको अवस्था गम्भीर रहेको जिल्ला प्रहरी कार्यालय तनहुँले जनाएको छ । गम्भीर घाइते हुनेमा रिसिङ गाउँपालिका १ झापुटारका विसन थापा र मिलन थापा रहेका छ्न । गम्भीर घाइते थापाद्वय लाई उपचारका लागी पोखरा पठाइएको जिल्ला प्रहरी कार्यालय तनहुँले जानकारी दिएको छ ।
त्यसैगरी, व्यास नगरपालिका वडा नम्बर ३ शान्ति नगरका अन्जन पुलामी र समीर बासीमगर सामान्य घाइते रहेको र दमौली अस्पतालमा उपचार भैरहेको प्रहरीले जनाएको छ । घटनामा संलग्न शंकास्पद ५ जना युवा लाई नियन्त्रणमा लिइएको र घटनाको थप अनुसन्धान भैरहेको प्रहरीले जनाएको छ ।
घटनास्थल वरिपरि बियरका बाेतलहरु फुटेकाे तथा शान्तिनगर जाने बाटोमा रगत देखिएकाे समेत प्रहरीले जानकारी दियो । अहिले राति व्यापक प्रहरी परिचालन गरिएको जिल्ला प्रहरी कार्यालय तनहुँले जनाएको छ । घटना के कारणले भयो भन्ने खुलिनसकेकाे जिल्ला प्रहरी कार्यालय तनहुँले जनाएको छ ।
पछिल्लो समय प्रदेश नम्बर ४ को अन्य जिल्लाहरुको तुलनामा तनहुँमा अपराधिक घटना धेरै हुने गरेको छ । तीन साता अघि पनि तनहुँको म्याग्दे गाउँपालिका थर्पुमा एउटा टोले समूहले अर्को टोले समूहमाथी आक्रमण गर्यो । शुक्लागण्डकी–५ का सञ्जु भुजेल र सञ्जिव राईलाई अर्को समूहका शुक्लगण्डकी–४ दुलेगौडाका मिलन पौडेल लगायतले आक्रमण गरेका थिए ।

फोटो : विकास खनाल
सम्बन्धित खबर
तनहुँमा प्रहरीलाई कुटपिट गरेको आरोपमा चार जना पक्राउ
तनहुँको एक सामुदायिक विद्यालयमा मगर भाषाको पढाइ
तनहुँमा टिपरले ठक्कर दिँदा पोखराकी अप्सरा क्षेत्रीको मृत्यु, छोरा घाइते
तनहुँमा ग्याँस बुलेट दुर्घटना हुँदा चालकको मृत्यु
तनहुँको सत्र सयमा दुर्घटना, भरतपुरकी युवतीको मृत्यु
१० औं गामी छाक्रा कप भलिबल प्रतियोगिता तथा सांस्कृतिक कार्यक्रम माघ १८ देखि
यो पनि पढौँ
लेकसाइडमा मध्यराति मोटरसाइकल दुर्घटनाः पोखराका दुई युवकको मृत्यु
स्कुल बस दुर्घटना हुँदा आठ वर्षीय बालक र चालकको मृत्यु, ३९ जना घाइते
पोखरामा कोटीहोम नगरी कुनै पनि हालतमा फर्किन्नः धर्मगुरु कृष्णमूर्ति
स्याङ्जामा पहिलो नेपाली नागरिकताको पुनः प्राप्ति