पाेखरा, १ चैत । पोखराको एक होटलमा विदेशी नागरिक मृत अवस्थामा फेला परेका छन् ।
लेकसाइडस्थित हृवाइट पल होटलमा युक्रेनी नागरिक २८ वर्षीय एन्टोन कुजानेठोप मृत भेटिएका कास्कीका प्रहरी प्रवक्ता प्रहरी नायव उपरीक्षक खड्कबहादुर खत्रीले जानकारी दिए ।
तीन दिन अघिदेखि हृवाइट पलमा बस्दै आएका उनी होटलको ध्यान गर्ने ठाउँ बालकोनीमा लडेको अवस्थामा मृत भेटिएको वडा प्रहरी कार्यालय बैदामका प्रमुख प्रहरी नायव उपरीक्षक (डिएसपी) नवीन कार्कीले जानकारी दिए । उनका अनुसार एन्टोनको शरीरमा बाहिरबाट कुनै पनि चोटपटक देखिएको छैन ।
एन्टोन मृत अवस्थामा भेटिएपछि होटल सञ्चालकले प्रहरीलाई खबर गरेका थिए । प्रहरीले मुचुल्का तयार गरेर शवलाई पोष्टमार्टमका लागि पोखरा स्वास्थ्य विज्ञान प्रतिष्ठानमा राखेको छ ।
यसैबीच, ह्वाइट पल होटलका डाइरेक्टर शंकर टण्डनले एन्टोनका साथीले बिहानै गुहारेपछि डाक्टर बोलाएको र हस्पिटलतर्फ लगेको जनाएका छन् ।
gandaknews.com मा समाचार प्रकाशित भएपछि सम्पर्कमा आएका टण्डनले भने – ‘उनका साथीले डाक्टर बोलाउन भनेपछि डाक्टर बोलाईयो । सिरियस छ भनेपछि हस्पिटलमा ट्याक्सीमा हालेर लगियो । डाक्टरले मृत भईसकेको जनायो । ९ः५७ मा मृत्यु भईसकेको जनाएको हो । साथी अहिले काठमाण्डौ गइसकेका छन् । आमालाई खबर गरिसकिएको छ । उनीहरु ९ जना थिए ।’
सम्बन्धित खबर
राष्ट्रिय युवा संघ नेपाल कास्कीको संयोजकमा शंकर पौडेल
ग्यारेजमा आगलागी हुँदा करोडौंको क्षति
गोरखामा पौडी खेल्ने क्रममा डुबेर २ किशोरको मुत्यु
‘अपाङ्गता भएकाको सामाजिक सुरक्षाको अवस्था कमजोर’
सञ्चालकहरूको लापरवाहीको शिकार सहकारी अभियान बन्योः मुख्यमन्त्री अधिकारी
पोखरा १२ का सामुदायिक विद्यालयहरुमा संस्कार शिक्षा पाठ्यक्रम लागू
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग