पोखरा, ९ चैत । रोजगारीका लागि कोरिया जानेहरुका लागि रोजगार अनुमति प्रणाली (ईपिएस टपिक) परीक्षाको आवेदन खुलेको छ ।
वैदेशिक रोजगार विभागको ईपीएस टपिक कोरिया शाखाका अनुसार इच्छुकहरुले चैत १७ गतेसम्म आवेदन भर्न सक्ने जनाएको छ । १८ वर्ष पूरा भई ३९ वर्ष ननाघेको नेपाली नागरिकले आवेदन दिन पाउनेछन् ।
ईपीएस टपिक नेपालको वेवसाइटबाट नै अनलाइनबाटै आवेदन भर्न सकिने भएपनि बैंकमा शुल्क तिर्न भने लाइन बस्नुपर्ने बाध्यता कायमै छ । भाषा परीक्षा जेठ २६ र २७ गते हुनेछ ।
आवेदन भर्दा पोखरा केन्द्र छनोट गर्ने पहिलो १२ हजारले मात्रै यहाँबाट परीक्षा दिन पाउनेछन् । अन्य सबैले काठमाडौंमा परीक्षा दिनुपर्नेछ । आवेदन भर्दा २४ डलर शूल्क तोकिएको छ । यो शुल्क ग्लोबल आईएमई बैंकको जुनसुकै शाखाबाट जम्मा गर्न सकिनेछ ।
यसपटक ७ हजार एकसय जना उत्तीर्ण गर्ने तयारी छ । त्यसमध्ये उत्पादनमुलक क्षेत्रमा चार हजार ८ सय र कृषि क्षेत्रमा दुई हजार ३ सय कोटा निर्धारण गरिएको ईपीएस कोरिया शाखाले जनाएको छ । पोखरामा मात्रै ९ हजारभन्दा बढीले कोरिया भाषा पढिरहेका छन् ।
स्याङजा, पर्वत, गोरखा, बागलुङ, म्याग्दी, तनहुँ, लमजुङ लगायतका जिल्लाका परीक्षार्थीले पनि पोखराबाट नै आवेदन दिनेछन् । यो क्षेत्रमा मात्रै झण्डै १५ हजार परीक्षार्थी छन् । पोखरामा फाराम भर्न नपाएकाहरु काठमाण्डौं जानुपर्नेछ ।
गत वर्षको समाचार
निलो अक्षर क्लिक गर्नुहोस् >
.
सम्बन्धित खबर
बागलुङ कालिका दर्शन गरी तनहुँ फर्कँदै गर्दा पोखराको हेम्जामा बस दुर्घटना
लेकसाइडमा स्कुटरलाई ठक्कर दिएर भागेका कुशल पक्राउ
गण्डकी प्रहरी प्रमुख बनिन् डीआईजी दुर्गा
पोखरामा पेस्तोल सहित एक व्यक्ति पक्राउ
गण्डकीमा डायलासिस सेवाको प्रतिक्षामा रहेकाको संख्या शून्यमा झार्ने लक्ष्य पूरा
मगर विद्यार्थी संघ पिएन क्याम्पसको अध्यक्षमा अनोक पुलामी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग