गण्डक न्युज पोखरा, १० चैत / पोखरामा शुक्रबार दिउँसो एउटा घटना भाइरल बन्यो । फेवाताल नजिकै बाराहीघाटमा पार्किङमा राखिएको एक कार भित्र एक पुरुष अचेत अवस्थामा त्यहाँ रहेकाले देखे । नागरिक अभियन्ता रामबहादुर पौडेलले पनि दिउँसो मध्यान्ह पछि एक स्टाटस सचित्र पोस्ट गरे ।
पौडेलले लेखे ‘पोखराको फेवातालस्थित बाराहीघाटमा पार्किङ गरेको बा१६च ३३४१ नं।को डटसन कारमा रहेका पहिचान नखुलेका व्यक्ति उच्च रक्तचापका कारण बेहोस अवस्थामा भेटिएपछि मेट्रो सिटी अस्पतालमा भर्ना भएको प्रहरीले जानकारी दिएको छ । कृपया आफन्तजनलाई सम्पर्कका लागि वडा प्रहरी कार्यालय बैदाममा सम्पर्क गर्नुहुन अनुरोध गरिन्छ ०६१(५२००३३ । परिचय खुल्ने कागजात लगायतका अनुसन्धानका कार्य नेपाल प्रहरीको भएकोले हामीले आफन्तजन र साथीभाइलाई सजिलो होस् भन्ने उद्देश्यले सूचना प्रवाह गरेका हौं ।’
दुई घण्टा नपुग्दै एक सय बढीले शेयर गरे । पोखरेली फेसबुक प्रयोगकर्तामाझ भाइरल बन्यो । तर, ति पुरुष कुनै उच्च रक्तचापका कारण कारमा ढलेको नभई मापसे गरेका कारण कारमै सुतेको खुल्न आएको छ ।
प्रहरीले मेट्रो सिटी हस्पिटलमा उपचारका लागि ल्याएकोमा डाक्टरले मापसे गरेको भनेको जिल्ला प्रहरी कार्यालय कन्ट्रोलले जानकारी दिएको छ । प्रहरीका अनुसार ति पुरुष साथीहरुसहित पोखरा घुम्न आएका थिए । साथीहरु फेवाताल डुंगा चढ्न गए भने उनी नशामा रहेका कारण कारमै सुते । सामान्य घटना भएको र मापसे गरेर कार चलाएको नभेटिएकाले उनको परिचय खुलाईएको छैन ।
पोखरा घुम्न आएका पाहुना कारमै अचेत भएपछि पोखरेलीले फेसबुकमै भएपनि दया प्रकट गर्दै पोस्ट भाइरल बनाईरहेका छन् ।
सम्बन्धित खबर
द्वितीय युद्धकालीन उपन्यास ‘खोजीमा’ पोखरा आइपुग्यो
कोरोला नाकामा पहिलो पटक बत्ती बल्यो
गण्डकी मुख्यमन्त्री अधिकारीले २३ गते ३ बजे विश्वासको मत लिँदै
पोखरामा धुवाँको कालो मुस्लो फ्याँक्ने ११ गाडी नियन्त्रण
कुश्मा वडा नं. २ मा ‘ज्येष्ठ नागरिकसँग वडाध्यक्ष’ कार्यक्रम प्रभावकारी
स्याङ्जामा आगलागीका घटना दिनहुँ बढ्दै, लाखौंको क्षति
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग