स्याङ्जा — आँधीखोला गाउँपालिकाकी एक ११ वर्षीया बालिका आफ्नै काकाबाट बलात्कृत भईन् । गत फागुन ४ गते काकाद्वारा बलात्कृत बनेकी बालिकालाई कास्कीस्थित बाल सेवा केन्द्रमा राखेर उपचार र मानसिक रुपमा सबल बनाउने काम भएको छ ।
बालिकालाई उपचारको लागि पोखरा ल्याईएको थियो । एक विद्यालयमा कक्षा ५ मा अध्ययनरत ती बालिकामाथि पटक पटक जबर्जस्ती भएको परीक्षण रिपोर्टले देखाएको चिकित्सकलाई उद्धृत गर्दै पारिवारिक स्रोतले जनाएको छ।
केन्द्रीय बाल कल्याण समितिका बाल अधिकार स्रोत व्यक्ति बद्रीप्रसाद वाग्लेले बालिकाको घटना फागुन ९ गते मात्र बाहिर आएको र कास्की प्रहरीमा जानकारी गराएको बताए। कास्की प्रहरीले उक्त जाहेरी स्याङ्जा प्रहरीमा रिफर गरेको थियो । तत्काल बालिकालाई घरमा पठाउँदा असुरक्षित हुने भएकोले बालिकालाई संस्थाको संरक्षणमा पठाइएको वाग्लेले बताए।
राष्ट्रिय मानव अधिकार आयोग र बाल कल्याण समितिले उक्त घटना अध्ययन गरेका थिए। तर, अनुसन्धानमा पीडितका आफन्तले सहयोग नगरेको जिल्ला प्रहरी कार्यालयले जनायो। घटना स्याङ्जामा दर्ता भएको हो। आयोगका अनुसार बलात्कृत बालिकाको कपडा नधुन र तत्काल बालिकालाई नै ननुहाइदिन अनुरोध गरे तापनि पीडितकी आमाले अटेर गरिन् । पीडक पनि फागुन ४ गतेदेखि नै फरार भए ।
यस्तै, भीरकोट नगरपालिका–६ स्थित भिरकोट भिल्ला होटलमा गत फागुन २९ गते ३ जना बालिका बलात्कृत भए । भीरकोट निवासी १४ वर्षीया २ जना र १५ वर्षीया १ बालिका बलात्कारको सिकार बनेका हुन्। उनीहरुलाई तीन युवकले होटलमा कोठामा लगेर बलात्कार गरेका थिए ।
बालिकाहरु युवकहरुका प्रलोभनमा परेका थिए । वडा प्रहरी कार्यालय वालिङले ३ जना अभियुक्तलाई पक्राउ गरी जबर्जस्ती करणी गरेको आरोपमा जिल्ला अदालतमा मुद्दा दायर गरी कारबाही प्रक्रिया अघि बढिसकेको छ ।
सम्बन्धित खबर
पुतलीबजार पूर्ण खोप सुनिश्चितता नगर घोषित
प्रथम गल्याङ कपको उपाधि स्याङ्जालाई
प्रथम गल्याङ कपको उपाधिका लागि पर्वत र स्याङ्जा फाइनल भिड्ने
स्याङ्जा भिरकोटका दुईजना अवैध लागूऔषधसहित पक्राउ
आगो निभाउँदा स्याङ्जाकी रेउसरीको ज्यान गयो
चैत्र पूर्णिमाको अवसरमा ऎतिहासिक काल्खु मेला हुने
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग