पोखरा, १४ चैत । पोखरा २२ पुम्दी भुम्दीमा ट्रकले स्कुटरलाई ठक्कर दिदा स्कुटर चालक गम्भीर घाइते भएका छन् ।

मंगलबार बिहान करिब ९ बजेको समयमा पोखरा लेखनाथ महानगरपालिका २२ पुम्दी भुम्दीमा पोखराबाट स्याङजा तर्फ जादै गरेको ग१क २०२४ नम्बर को ट्रकले विपरित दिशाबाट आउदै गरेको ग १०प ६५६८ नम्बरको स्कुटरलाई ठक्कर दिदा पर्वतको कुष्मा नगरपालिका बस्ने ४३ बर्षीय प्रकाश पौडेल गम्भीर घाइते भएका हुन् ।

घाइते पौडेललाई उपचारको लागि गण्डकी मेडिकल कलेज पठाएकोमा थप उपाचारको लागी सिम्रिक एयरको हेलीक्पटरद्धारा काठमाडौंको मेडिसिटि अस्पतालमा रिफर गरिएको प्रहरी उपरीक्षक विरेन्द्र कुमार बस्यालले बताए । स्कुटरको पछाडी सवार स्याङजाको आधिखोला गाउँपालिका निबासी २३ बर्षीय मधुसुदन सामान्य अवस्थामा रहेको प्रहरीले उल्लेख गरेको छ ।

ट्रक चालकलाई नियन्त्रणमा लिई अनुसन्धान भइरहेको प्रहरीले जनाएको छ ।