गण्डक न्युज पोखरा, २९ चैत / माइक्रोबसको ठक्करपछि मृत्यु भएका विद्यार्थीको आफन्त आन्दोलित भईरहँदा अर्का घाईतेको पनि ज्यान गएको छ । गम्भिर घाइते सन्दिप पौडेलको पनि तेस्रो दिनमा मृत्यु भएको हो ।
उनको उपचारको क्रममा गण्डकी मेडिकल कलजेमा बिहिबार बिहान मृत्यु भएको परिवारले जनाएको छ । गत मंगलबार पौडेलले नै चलाएको ग ९ प २१९१ नम्बरको पल्सर मोटरसाइकललाई ग १ ख ३८७७ नम्बरको माइक्रोबसले ठक्कर दिएको थियो । मोटरसाइकल चालक शोभाकान्त (किरण) पनेरुको घटनास्थलमै मृत्यु भएको थियो ।
मृतक दुबैको बिहिबार नै अन्त्यष्टि गरिएको छ । पनेरुको सेती रामघाटमा तथा पौडेलको दोविल्ला घाटमा अन्त्येष्टि गरिएको हो । मृतक दुवैका परिवारले बिहिबारनै शव बुझेका हुन् । स्याङ्जा घर भइ हाल ड्यामसाइड बस्दै आएका २२ वर्षिय शोभाकान्त पनेरु छोरेपाटनस्थित गुप्तेश्वर बहुमुखी क्याम्पस व्यवस्थापन संकाय स्नातक तह दोस्रो वर्षमा पढ्थे । अर्का मृतक २४ वर्षिय सन्दीप पौडेल पोखरा लेखनाथ महानगरपालिका वडा २१ का हुन् ।
यसअघि पनेरुको मृत्युपछि विद्यार्थी र आफन्त आन्दोलित बनेका थिए । मृतक दुवैका आफन्तले माइक्रो चालक दिप्तीनारायण ढकाललाई हदैसम्मको कारवाही हुनुपर्ने माग गरेका छन् । तीब्र गतिमा गलत दिशामा गएर मोटरसाइकललाई ठक्कर दिएको प्रत्यक्षदर्शीको भनाई छ ।
‘प्रशासनले दोषी चालकलाई कडा कारवाही गर्ने आश्वासन दिएकाले नै हामीले शब बुझेका हौ’ मृतक पनेरुका ठुलोबुवा दुर्गाप्रसाद पनेरुले भने ‘हामीलाई ५ लाखको प्रलोभन देखाइएको छ, तर हाम्रो माग चालकलाई कडा कारवाही हुनुपर्छ भन्ने हो ।’ विमा वापत नियमले नै पाइने पाँच लाख देखाउँदै कसैको ज्यान लिन नपाइने उनको भनाई छ । ‘पाँच लाख तिरेर मान्छे मार्न पाइने, यो कस्तो कानुन हो ?’ उनले प्रश्न गरे ।
त्यस्तै, अर्का मृतक पौडेलका आफन्त हुमप्रसाद अधिकारीले पनि प्रशासनले चालकलाई कडा कारवाही नगरे फेरी सडकमा आउन बाध्य हुने चेतावनी दिए ।
घटनापछि आन्दोलित बनेको पोखराका विद्यार्थीहरुले बुधबार दिनभर पोखराको सडकमा नाराबाजि गरेका थिए । आन्दोलित विद्यार्थीले मान्छे मार्न पाइँदैन, हत्याको निष्पक्ष छानबिन गर, चालकको लाइसेन्स खारेज गर लगायतका नाराबाजी गरेका थिए । बस चालकलाई कडा कारवाही नभए आफुहरु फेरी सडकमा उत्रने विद्यार्थीहरुले चेतावनी दिएका छन् ।
उनीहरुले बुधबार दिउँसो पोखरामा सार्वजनिक यातायात सञ्चालनमा समेत अवरोध पु¥याए भने विहीबार बिहान पनि आन्दोलित थिए । क्याम्पस प्रांगण छोरेपाटनदेखि घटनास्थल बैदामसम्म ¥याली निकाली बिहान ८ बजेदेखि मध्यान्ह १२ बजेसम्म माइक्रो बस बन्द गरेको अनेरास्ववियू कास्की क्षेत्र नंं. ३ का सचिव रियाज तिमिल्सना (सुन्दर) ले जानकारी दिए ।
https://www.facebook.com/pokhara143/videos/1940310966040955/
सम्बन्धित खबर
कर्तव्य ज्यान मुद्दाका फरार तनहुँका फिरोज २९ वर्षपछि पक्राउ
ज्येष्ठ नागरिकलाई सामाजिक सम्मान जरूरीः प्रदेश प्रमुख भट्ट
कास्कीमा जुवातास खेलिरहेको अवस्थामा ५ जना पक्राउ
सेतीनदी माथि पटनेरी र सीतापाइलालाई जोड्ने पुल उद्घाटन
श्रीकृष्ण प्रणामी मन्दिरमा एक महिने श्रमदवीतक चर्चा एवं श्रीकृष्ण कथा प्रवचन सुरु
स्याङ्जामा लापसे गरी सवारीसाधन चलाउने दुईजना पक्राउ
यो पनि पढौँ
एसइईकी कान्छी टपर पोखराकी एञ्जिला
पोखरामा बसमा सवार महिलाको घाँटिबाट सिक्री चोरेर फरार भएका २ जना काठमाडौंबाट पक्राउ
तनहुँको अम्रेनीमा रोकिराखेको ट्रकमा ठोक्किँदा स्कूटर चालकको मृत्यु, एक घाइते
आइतबार गण्डकी प्रदेशमा सार्वजनिक बिदा