गण्डक न्युज पोखरा, ११ वैशाख । पोखरा- १५ भेडीफारामकी बालकुमारी गिरी (सीता) ६ दिनदेखि परिवारबाट सम्पर्क विहिन छिन् । दिन बित्दै जाँदा समेत उनको पत्तो नलागेपछि परिवार चिन्तामा डुबेका छन् ।
४८ वर्षीया गिरी गत वैशाख ६ गते विहीबार दिउँसो घर नजिकै गलेश्वरचोकबाट महेन्द्रपुल जाने भन्दै गाडी चढेको परिवारले जनाएको छ । त्यसपछि उनी फर्किनन् । श्रीमान् गोपाल गिरी, छोराहरु भोलिपल्टैदेखि खोजीकार्यमा जुटेका छन् ।
गिरी अध्यात्मिक स्वभावकी रहेको र परिवारमा कुनै मनमुटाव नरहकाले ज्यान फाल्ने जस्तो नराम्रो गरेकी छैनन् भन्ने परिवारको ठम्याई छ । तर पनि सेती खोँचहरुमा प्रहरीको रेस्क्यु टीम सहित खोजी कार्य अघि बढाएका छन् । धार्मिक गतिविधिमा असाध्यै लागिपर्ने गिरी भगवानको ध्यान गर्ने, पूजा गर्ने गर्थिन् ।
‘ठूलो छोरा बेलायतमा, कान्छो छोरा पोखरामै व्यवसायी छन् । बुहारी इञ्जिनियर । परिवारमा कुनै अभाव, मनमुटाव छैन ।’ – आफन्त किसन गिरीले भने- ‘नराम्रो भयो, गर्नुभयो भन्ने हामीलाई लाग्दैन । धार्मिक स्वभावका भएकाले कतै धाम तिर पो जानुभयो कि ?’
श्रीमान् गोपाल गिरी पनि मिडियामा आउन नचाहेको बताए । पक्कै नराम्रो त भएको छैन अब तीर्थ धाम तिर खोज्नेछौं । उनले भने । गिरीले घरमा पत्र समेत छाडेर गएकी छिन् । उनले आफूलाई नखोज्न र आफ्नो चिन्ता नलिन आग्रह गरेको पारिवारीक श्रोतले जनाएको छ ।
वैशाख ६ गतेदेखि सम्पर्कविहीन भएकी बालकुमारी गिरी (सीता)। उनी यही पोशामा घरबाट हिँडेकी थिईन् ।
सम्बन्धित खबर
तिनाउ नदीमा डुबेर बागलुङका एक बालकको मृत्यु, एक बेपत्ता
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग