सरोज अर्याल, स्याङ्जा / निजी फर्मको लापरबाहीका कारण आँधिखोलाको जलचर सखाप भएका छन् ।
खिलुङ कालिका एग्रो फर्मको फोहोर तथा कुखुराको सुली प्रत्यक्ष आँधिखोलमा मिसाउँदा यहाँका जलचर प्रभावित भएका छन् । भिरकोट नगरपालिकामा फर्म संञ्चालन गरिएको भएपनि उक्त फर्मले गल्याङ नगरपालिकाको तुलसिभञ्याङमा फोहोर फाल्ने कार्य गर्दै आएको थियो ।
गएराति जेसिभीको प्रयोग गरेर सुलि खोलामा मिसाउँदा आंधिखोला जलबिद्युत केन्द्र सम्मका सबै जलचर मरेका छन् । सुलिको दुर्गन्ध कम गर्न प्रयोग गरिने बिषादीका कारण खोलाका माछा मरेको हुन सक्ने प्रारम्भिक आँकलन स्थानीयले गरेका भएपनि के कारणले माछा लगायत जलचर सखाप भएको हो भन्ने अनुसन्धान भैरहेको छ ।
यस खोलाको पानी जिमुवामा सिँचाइ हुँदै कालिगण्डकीसम्म पुगेको छ । प्रशासनले माछाको सेवन र पानी सिँचाइ गर्न रोक लगाएको छ । यस पानीको असर कालीगण्डकी सम्म पर्ने सरोकारवालाको भनाई छ ।
आँधीखोलामा सुली फालेको आरोपमा खिलुङ कालिका एग्रो फर्मका सञ्चालक, कार्यकारी प्रमुख शोभाकान्त ढकाल, सुली फाल्न प्रयोग गरिएको स्काभेटर र चालक सहित अन्य दुई जना प्रहरीको नियन्त्रणमा छन् ।
सम्बन्धित खबर
पौडी खेल्ने क्रममा डुबेर बेपत्ता पोख्रेल मृत फेला
वालिङ्मा पौडी खेल्ने क्रममा डुबेर एक बेपत्ता
स्याङ्जामा आत्महत्या गर्ने पुरुष बढी, तीन वर्षमा एक सय ४८ पुरुषद्वारा आत्महत्या
प्रशासनद्वारा पहिरोपीडित परिवारलाई राहत
स्याङ्जामा राष्ट्रिय युवा संघ नेपालको रक्तदान
स्याङ्जा अदालतमा सम्बन्ध विच्छेदका मुद्दा धेरै
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग