अनेरास्ववियु भूगोल जिल्ला कमिटीको विद्यार्थी भर्ना अभियान अन्तर्गत कास्की जिल्ला अन्नपूर्ण गाउँपालिका ३ को पाउदुर आधारभूत विद्यालय र धारापानी माविका २० विद्यार्थीलाई सहयोग प्रदान गरिएको छ ।

विद्यार्थीलाई आवश्यक पर्ने स्टेशनरी सामाग्री र आवश्यकताका आधारमा ५ विद्यार्थीलाई झोला, कापी, जुत्ता लगायत सामाग्री वितरण गरिएको कमिटिले जनाएको छ ।

क्षेत्रीय अध्यक्ष बलराम गौतमको अध्यक्षतामा भएको कार्यक्रममा अनेरास्ववियु कास्की अध्यक्ष शेखर गौतमले कास्कीमा कोहि पनि बालबालिका विद्यालय जानबाट बञ्चित हुन नपरोस् भन्दै अभियान थालनी भएको र सबैका लागि सरल र वैज्ञानिक शिक्षा राज्यबाट प्राप्त गर्ने लडाइँमा अनेरास्ववियु लागेको बताए ।

कार्यक्रममा वडा अध्यक्ष चन्द्रबहादुर गुरुङ, पूर्व क्षेत्रीय अध्यक्ष रमेश भण्डारी, क्षेत्रीय सदस्य गणेश भण्डारी, सागर गौतमको उपस्थिति रहेको थियो । अहिलेसम्म पाँच सय विद्यार्थीलाई स्टेशनरी सामाग्री वितरण गरिएको अनेरास्ववियु क्षेत्रीय इन्चार्ज माधव गौतमले जानकारी दिए । विद्यालय हातमा वृक्षारोपण समेत गरियो ।