अश्विन दानी, गोरखा । गोरखाको १० किलोमा जिल्ला प्राविधिक कार्यालय गोरखाले बनाउन लागेकोे दरौँदी नदी माथिको मोटरवेल पुल डिजाईन गर्दा नै २२ महिना बितेको छ
दुई बर्ष भित्र निर्माण गरिसक्नु पर्ने भएपनि २२ महिनामा डिजाईन मात्रै सम्पन्न भएको सो कार्यालयले जनाएको छ । उक्त पुलको काम २०७३ असार महिनामा सम्झौता भएको थियो । कार्यालयको सो योजना २०७५ असार मसान्तसम्म सम्पन्न गर्ने गरी पुलको एलाईट एडभेन्चर धनथन जेभि कम्पनी भरतपुरले सम्झौता गरेको प्राविधिक कार्यालय गोरखाका सिनियर जिल्ला ईन्जिनियर रामकुमार श्रेष्ठले जानकारी दिए ।
पुरानो डिजाईन अनुसार कम्पनीले काम गर्न नसकेकाले डिजाईन परिवर्तन गर्न समय लागेको श्रेष्ठले बताए । ‘पहिलो डिजाईन अनुसार कम्पनीले काम गर्न सकेन’ श्रेष्ठले भने ‘पुलको नक्सा डिजाईन पुन गर्नुपर्ने भएकाले पुलको काम ढिलो भएको हो । अहिले दोस्रो पटकको नक्सा डिजाईन भईसक्यो अब तुरुन्तै काम सुरु हुन्छ ।’ पुल निर्माणका लागि चार करोड छ लाख ६५ हजार सात सय ६३ रुपैँया बजेट विनियोजन भएको श्रेष्ठले बताए ।
दुई बर्ष भित्र पुल बनिसक्नु पर्ने भएपनि अहिलेसम्म नक्सा बनाउने काममै सम्बन्धित निकायका कर्मचारीहरु व्यस्त भएको देखिन्छ । प्राविधिक कार्यालय गोरखाले पहिलो डिजाईन अनुसार ठेकेदारले काम गर्न नसकेको बताए पनि ठेक्का लिएको कम्पनीले भने पहिलो नक्सा पुल बनाउने ठाउँ अनुसार अनुकुल नभएको बताउँछन् ।
‘पुल बन्ने ठाउाँ अनुकुल पहिलेको नक्सा थिएन’ ठेकेदार रामराज पौडेल भन्छन् ‘डिजाईनिङ गलत भएकाले पुनः डिजाईन गरिएकोे छ । नक्सा हात पर्ने बित्तिकै काम सुरु गरिहाल्छौ ।’ डिजाईनका लागि लामो समय खर्च भएकाले निर्धारित समयभित्र काम गर्न नसकिएको पौडेलले जनाए ।
‘पुलको काम अब छिटै नै सुरु हुने प्रक्रियामा छ’ श्रेष्ठ भन्छन् ‘ठेकेदारको कारण काममा ढिलाई भएको रहेछ भने उसले कानुन अनुसारको हर्जना तिर्नु पर्छ । यदि प्राविधिक कारणले काममा ढिलाई भएको रहेछ भने कामको म्याद थप गरिन्छ ।’ कुनैपनि योजनाको स्टमेट संकलन गर्दा खटिने कर्मचारीका कारण स्टेटमेन्ट गलत भएमा उनीहरुलाई कारवाही गर्ने प्रावधान छ ।
पुलको डिजाईन बिग्रिएर पुनः डिजाईन गर्न थालेको सुनेपनि सम्बन्धित कागजात आफुले नहेरेको जिल्ला समन्वय अधिकारी नारायण आचार्यले बताए ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग