सुन्दर कुमार थकाली, मुस्ताङ । हिमालपारी मुस्ताङमा राष्ट्रिय प्रारम्भिक कक्षा पढाई सम्वन्धि दुई दिने अभिमुखिकरण भएको छ । जिल्लाको प्रारम्भिक कक्षा पढाई प्रभावकारी भएको बताईएको छ ।

शिक्षा विज्ञान तथा प्रविधि मन्त्रालयको आयोजना तथा प्रारम्भिक कक्षा पढाई कार्यक्रमको सहयोगमा दुई दिने कार्यक्रम भएको हो । जिल्लाका ५ वटै स्थानीयतहका जनप्रतिनिधि तथा सरोकारवालाहरुबीच भएको दुई दिने अन्तक्रियाका सहभागीहरुले ११ बुदे प्रतिबद्धतालाई अनुमोदन गरेका छन् ।

राष्ट्रिय प्रारम्भिक कक्षा पढाई समापन कार्यक्रमलाई सम्वोधन गर्दे जिसस प्रमुख छिरिङ ल्हामो गुरुङले प्रारम्भिक कक्षा पढाई तालिममा सिकेका कुरालाई व्यहारमा उतार्न सरोकारवालाहरुलाई आग्रह गरिन् । जिल्लाको शैक्षिक बिकास र प्रगतीका लागि समन्वय समितिले सघाउने उल्लेख गर्दे जिसस प्रमुख गुरुङले हिमाली जिल्लाका विकट गाउँका मातृभाषाको पढाई गर्ने शिक्षकको आवश्यकता खट्किएकाले शिक्षक आवश्यकता पुर्ति गर्न सरोकारवालालाई आग्रह गरिन् ।

त्यस्तै, घरपझोङ गाउँपालिका अध्यक्ष आशबहादुर थकालीले शिक्षाको जग बलियो भएमात्र शैक्षिक गुणस्तरमा बृद्धि हुने उल्लेख गरे । कार्यक्रममा ज्ञानोदय माविका प्राचार्य आनन्दराज आचार्य र नमुना आधारभुत बिद्यालयका व्यवस्थापन समितिका अध्यक्ष शेरबहादुर गुरुङले बोलेका थिए ।

यसअघि शिक्षा बिकास तथा समन्वय इकाइका शाखा अधिकृत लक्ष्मण देवकोटाले जिल्ला प्रारम्भिक कक्षा पढाईकाका बारे प्रस्तुतीकरण गरेका थिए । सो क्रममा उनले मुस्ताङमा प्रारम्भिक कक्षा पढाई प्रभावकारी भएको बताए ।

मुस्ताङमा प्रारम्भिक कक्षा पढाई कार्यक्रम तथा यसबारे थप जानकारी गराउन संञ्चालन यस संग सरोकार राख्ने ६ जनाको टोली मुस्ताङ आएको हो । टोलीमा शिक्षा विज्ञान तथा प्रविधि मन्त्रालयकी डिलकुमारी देवकोटा र युवराज दाहाल, शिक्षा विभागका रमाकान्त शर्मा र प्रारम्भिक कक्षा पढाई कार्यक्रमका धनसिंह धामी, शशी शाह, दिपक शर्मा र तृप्ती चौधरी छन् । उनीहरुले दुई दिने अभिमुखीकरण कार्यक्रमको शहजीकरण गरेका थिए ।