सरोज अर्याल, स्याङ्जा । जिल्लाकै नमुना इनारको रूपमा परिचित पुतलीबजार नगरपालिका १२ पेल्काचौर मा रहेको इनारको सम्वद्र्धन एवम् प्रबद्र्धनको लागि अत्यावश्यक देखिएको संरक्षण कार्यको पहिलो चरण अन्तर्गत ट्रष्ट निर्माणको कार्य सम्पन्न भएको छ ।

पिउने पानी र सिचाईंको प्रमुख स्रोत एवम् पर्यटकीय दृष्टिकोणले महत्वपूर्ण स्थलको रूपमा अगाडि बढाउन सकिने सो स्थलको संरक्षण कार्यमा पुतलीबजार नगरपालिका वडा नं. १२ कार्यालय, स्थानीय युवा क्लब, ट्रस्ट निर्माण कम्पनी जुटेका हुन् ।

धेरै बर्ष पहिले देखिनै साविक पेल्काचौर गाविसका दुई वडा यो इनारबाट लाभान्वित थिए । त्यसपछि दुई टोलले सो इनारको पानी उभोग गर्दै आएका थिए । तर, ७ वर्ष अघि जी.डब्लू.एस. नामक आइएनजिओको सहयोगमा खानेपानी आयोजना निर्माण सम्पन्न भएपछि इनारको प्रयोग हुन छाड्यो ।

अहिले पेल्काचौरबाट लगभग १३ किलोमिटर टाढा वालिङ नगरपालिकाको रानिश्वारा भन्ने ठाउँमा दुई ओटा पानीको मुहान किनेर पाइपलाइनबाट गाउँका धारामा पानी जोडिएको छ । पानी नआउँदा भने यही इनारको पानी उपभोग हुने इनार संरक्षण समितिका सचिव राजेन्द्र शर्माले जानकारी दिए ।

जिल्लाकै पूरानो र ठूलो इनारलाई पुनः सञ्चालन गर्ने र यसबाट आगामी दिनमा पानीको अभाव नहुने भन्दै संरक्षण समिति अघि बढेको हो । संरक्षण समिति नै बनाएर अहिले काम भईरहेको छ ।