किरण श्रेष्ठ, तनहुँ ।  तनहुँको व्यास नगरपालिका वडा नम्बर १२ देउरालीमा आज शनिबार साझ सवारी दुर्घटना भएको छ ।

 पोखराबाट काँकडभित्ता तर्फ जाँदै गरेको ना ५ ख ३०८२ नम्बरको यात्रुवाहक रात्रिबस र डुम्रे बाट दमौली तर्फ आउँदै गरेको ना ५५ प १५९४ नम्बरको मोटरसाइकल पृथ्वीराजमार्ग स्थित देउरालीमा एक आपसमा ठोक्किदा २ जनाको मृत्यु र २ घाइते जना गम्भीर घाइते भएका छन ।  उक्त दुर्घटनामा परि मोटरसाइकलमा सवार ४ जना गम्भिर घाइते भएकोमा २ जनाको उपचारको क्रममा मृत्यु भएको र २ जनाको पोखरामा उपचार भइरहेको प्रहरीले जनाएको छ ।

घाइते ४ मध्ये २ जनाको दमौली स्थित दमौली अस्पतालमा उपचारको क्रममा मृत्यु भएको छ भने २ जनाको पोखरा स्थित गण्डकी मेडिकल कलेजमा उपचार भइरहेको जिल्ला प्रहरी कार्यालय तनहुँले जनाएको छ । मृत्यु हुनेमा वीरगन्ज पतौरा सुगौलीका राजा राय र धिरज चौधरी रहेका छन् । त्यस्तै घाइते हुनेहरुमा वीरगन्ज पतौरा सुगौलीका भोला चौधरी र संजय चौधरी रहेका छन ।
उमेर नखुले पनि १८/२० वर्ष जस्तो देखिने जिल्ल्ला प्रहरी कार्यालय तनहुँले जनाएको छ । “एउटा मोटरसाइकलमा ४ जना सवार रहेछन, घाइते २ जनाको पोखरामा उपचार हुदैछ र यस घटना बारे थप अनुसन्धान भइरहेको छ” जिल्ला प्रहरी कार्यालय तनहुँका डीएसपी सुनिल मल्लले बताए ।

भोला चौधरी तनहुँको डुम्रे स्थित एक हार्डवेयर पसलमा काम गर्ने र उनै भोलाले आफ्ना साथीहरु लाइ डुम्रे बोलाएको र शनिबार घुम्नको लागि एउटै मोटरसाइकलमा ४ जना सवार हुदा उक्त घटना घटेको जिल्ला प्रहरी कार्यालय तनहुँले जनाएको छ । शनिबार साझ ७ बजेको समयमा मोटरसाइकल र बस एक आपसमा ठोक्किदा सो दुर्घटना भएको हो । बस र बसका चालक प्रहरीको नियन्त्रणमा रहेको छ ।