किरण श्रेष्ठ, तनहुँ । ‘मिस तनहुँ’ सिजन ३ अर्थात मिस तनहुँ २०१८’ को अडिसन शनिबार दमौलीमा सम्पन्न भएको छ । डाफे मल्टिमिडियाको आयोजना रहेको मिस तनहुँमा भाग लिन जिल्लाका विभिन्न ठाँउबाट प्रतियोगीहरु आएका थिए ।

अडिसनबाट ११ प्रतियोगी अन्तिम चरणका लागि छनौटमा परेको डाफे मल्टिमिडियाकी सन्जु घलेले जानकारी दिइन् । केहि युवतीहरु लाइ पछी वाइल्ड कार्ड मार्फत पनि प्रतियोगितामा सहभागी गराइने घलेले बताइन । विभिन्न चरण मार्फत अन्तिम प्रतिस्पर्धाका लागि छनौट भएका प्रतियोगीले मात्र अन्तिम स्पर्धामा सहभागी हुन पाउनेछन् ।
जिल्लामा छरिएर रहेका युवतीहरुको आन्तरिक प्रतिभालाई उजागार गरि आत्मनिर्भर बनाउन ‘मिस तनहुँ’ को आयोजना गरिएको आयोजकले बताएका छन । १६ देखि ३० वर्ष उमेर समुहका अविवाहित युवतीले भाग लिन पाउने प्रतियोगीतामा प्रतियोगी एक महिने बन्द प्रशिक्षणसहित फाइनलमा उत्रिने छन् ।
मिस तनहुँ २०१५ की विजेता सुजाना श्रेष्ठ, मिस तनहुँ २०१७ को बिजेता अश्विनी तामाङ र संचारकर्मी तथा युवा अभियन्ता विपिन श्रेष्ठले छनोट गरेका थिए । मिस तनहुँ २०१८ को बिजेताले यामाहाको स्कुटर, ताज, प्रमाणपत्र, मायाको चिनो, मोडलिङ कन्ट्याक र म्युजिक भिडियोमा अभिनय गर्न पाउने आयोजकले जनाएको छ । कार्यक्रमको फोटोग्राफी पार्टनरको रुपमा आगमन फोटोग्राफी रहेको छ ।