किरण श्रेष्ठ, तनहुँ ।  तनहुँका १० वटा स्थानीय तहले २ अर्ब  ८७ करोड २० लाख बजेट पाउने भएका छन् । अर्थमन्त्री डा. युवराज खतिवडाले संसदमा पेश गरेको बजेट अनुसार जिल्लाका १० स्थानीय तह मध्ये व्यास नगरपालिकाले सवैभन्दा धेरैं ६० करोड ७२ लाख बजेट पाउने भएको छ । यस्तै भानु नगरपालिकामा ४० करोड ८४ लाख, शुक्लागण्डकी नगरपालिकामा ३८ करोड १२ लाख र भिमाद नगरपालिकामा २७ करोड ७९ लाख रकम बिनियोजन भएको छ ।
यस्तै तनहुँको बन्दीपुर गाँउपालिकामा १९ करोड ६३ लाख, म्याग्दे गाँउपालिकामा १९ करोड ४७ लाख, रिसिङ गाँउपालिकामा २३ करोड ४६ लाख, आबुखैरेनी गाँउपालिकामा १९ करोड २५ लाख, घिरिङ गाँउपालिकामा १९ करोड ९ लाख र देवघाट गाँउपालिकामा १८ करोड ८३ लाख रकम बिनियोजन भएको छ । स्थानीय तहहरुले एक खर्ब ९५ अर्ब पाँच करोड रुपैयाँ बजेट पाएका छन् । बजेट अनुसार प्रदेश १ ले सबैभन्दा बढी बजेट पाएको छ । सबैभन्दा कम बजेट पाउनेमा प्रदेश ४ छ । सबैभन्दा बढी प्रधानमन्त्री र अर्थमन्त्रीको जन्मथलो प्रदेश १ लाई १९ अर्व ८८ कोड ७० लाख रुपैयाँ बजेट छ भने सबैभन्दा कम प्रदेश ४ लाई १३ अर्व २७ करोड ८६ लाख रुपैयाँ छ । प्रदेश १ ले वित्तीय समानीकरण अनुदान अन्तर्गत ६ अर्ब ६१ करोड र सशर्त अनुदानतर्फ १३ अर्ब २७ करोड बजेट पाएको छ ।

                           यो पनि पढ्नुहोस :
प्रदेश नं. ४ लाई सबैभन्दा थोरै बजेट, केन्द्रिय अनुदान १३ अर्ब मात्रै