रिजनल हस्पीटल प्रा.लि तथा रिजनल कलेज अफ हेल्थ साइन्स एण्ड टेक्नोलोजी पोखराको आयोजनामा माछापुच्छे गाउँपालिका–४, लाहाचोकस्थित देउराली आधारभुत विद्यालयमा निःशुल्क स्वास्थ्य शिविर भएको छ ।

एकदिने उक्त निःशुल्क प्रयोगशाला परीक्षण शिविरमा कूल तीन सय १५ जनाले सेवा लिएका थिए । कार्यक्रममा बोल्दै रिजनल हस्पीटल प्रा.लिका निर्देशक चन्द्रकान्त पौडेलले विद्यालयमा अध्ययनरत गरिव तथा विपन्न विद्यार्थीको पठनपाठनको सहजताका लागि छात्रवृत्ति प्रदान गर्ने घोषण गरेका थिए ।

सो शिविरबाट पिसावमा हुने सुगरको मात्रा, पिसावबाट मृगौलाको जाँच, रगतमा होमोग्लोविनको मात्रा, रक्तसमूह परीक्षण, अन्य ल्वाव टेस्ट गरिनुका साथै निःशुल्क औषधी पनि वितरण भएको थियो ।

उक्त कार्यक्रममा गाउँपालिकाका स्वास्थ्य संयोजक हरिलाल आचार्य, विद्यालय व्यवस्थापन समितिका अध्यक्ष रुद्रप्रसाद अधिकारी, समाजसेवी मधुसुदन अधिकारी, विद्यालयका प्रधानाध्यापक उमेश बास्तोलालगायतले स्वास्थ जीवनको महत्वबारे भनाई राखेका थिए । कार्यक्रम हस्पीटलका निर्देशक पौडेलको अध्यक्षतामा भएको थियो ।