पोखरा । अब स्नातक तहमा आईटी विषय पढ्नेलाई छात्रवृत्तिको अवसर छ । कम्प्युटर एशोसिएसन नेपाल महासघंले प्राविधिक शिक्षातर्फ छात्रवृत्ति प्रदान गर्ने भएको हो ।

मुलुकमा सुचना प्रविधिको अध्ययन अध्यापन गर्ने गराउने कलेजहरुको सहयोगमा गरीव, जेहेन्दार विद्यार्थीहरुको लागी छात्रवृत्ति प्रदान गर्न लागिएको क्यान प्रदेश नं. ४ अध्यक्ष चिन्तामणि बास्तोलाले बताए । काठमाडौँको मैतीदेवीमा रहेको सुचना प्रविधिका विषयमा अध्यापन गराउने कलेज लर्ड बुद्ध एजुकेशन फाउण्डेसन सगँको सहकार्यमा देशभबाट यसवर्ष ४९ जना विद्र्थीहरुलाई छात्रबृद्धि प्रदान गर्न लागिएको हो ।

क्यान नेशनल आईसिटी स्कलरसिप २०७५ नाम दिई देशको सातै प्रदेशका विद्यार्थीहरुले समान अवसर पाउनेगरी प्रत्येक प्रदेशकबाट १ जना छात्रालाई पुर्ण छात्रवृत्ति प्रदान गरिने बताईएको छ । फिमेल मेरीट आईसीटी स्कलसीपबाट ४ जना, आईसिटी मेरिट स्कलरसीपबाट ३ जना गरी एक प्रदेशबाट ७ जनालाई छात्रवृत्ति प्रदान गरिने कलेजका अध्यक्ष एवं महासंघका पूर्व महासचिव पंकज जलानले बताए ।

सातैवटा प्रदेशबाट कुल ४९ जना विद्यार्थीले एक करोड ८३ लाख ३६ हजार ५ सय रुपैयाँ बराबरको छात्रवृत्ति पाउनेछन् । छात्रवृत्ति प्राप्त विद्यार्थीहरुले मलेसियाको एसिया प्यासिफीक युनिभर्सी्टि अफ टेक्नोलोजी एण्ड एनोभेसनको एफिलेशनमा सन्चालित लर्ड बुद्ध एजुकेशन फाउण्डेसनमा स्नातक तह अन्तर्गत बिएसस्सी आईटीको अध्ययन गर्न पाउनेछन् ।
नेपाल सरकारको मान्यताप्राप्त शिक्षण सस्थाबाट ५० प्रतिशतबाट अकंसहित प्लस टु अर्थात् सो सरह अध्ययन गरेका र कक्षा १० को गणित विषयमा कम्तीमा ५० प्रतिशत अकं ल्याई सीटीईभीटीबाट कम्प्युटर इन्जिनियरीङमा डिप्लोमा गरेकाहरुले छात्रवृत्तिका लागि आवेदन दिन सक्नेछन् । छात्रवृत्तिका लागि कक्षा १२ को परीक्षा दिएर बसेका विद्यार्थीहरुले पनि आवेदन दिन सक्नेछन् । छात्रवृत्ति प्रदान गर्नका लागि क्यान महासघंले जिल्ला, प्रदेश र केन्द्रिय स्तरको छात्रवृत्ति छनौट समिति गठन गर्नेछ ।

छनौट समितिले कक्षा १० र कक्षा १२ को प्राप्त अकं, स्थायी ठेगाना, आर्थिकक अवस्था र स्थानिय सरकारको सिफारीस लगायतका आधारमा छनौट गर्नेछ । छात्रबृत्तिका लागी इच्छुक विद्यार्थीले क्यान महासघंको जिल्ला शाखामा सिधै अथवा क्यान महासघंको वेबसाइट धधध.अबल,यचन.लउ बाट आवेदन दिन सक्ने कास्कीका अध्यक्ष युवराज पौडेलले बताए ।
आवेदन दिँदा साथमा फोटो, नागरीकता या जन्मदर्ता प्रमाणपत्र, कक्षा १० र १२ को मार्क्सिटको प्रतिलिपी, कक्षा १२ को प्रवेशपत्र र स्थानिय सरकारको सिफरीसपत्र पेस अनिवार्य गर्नुपर्ने बताएको छ ।