पोखरा । गरिबीकै कारण पढाइ छाड्ने स्थितिमा पुगेका बालबालिकालाई पढाइमा प्रोत्साहन गर्ने उद्देश्यले पोखरामा च्यारिटी शो हुने भएको छ । आउँदो साउन ४ गते शुक्रबारका दिन पोखराको बाराही सिनेमा हलमा नेपाली कथानक चलचित्र ”पशुपति प्रसाद” को च्यारिटी शो गर्न लागिएको हो ।
बिगत देखि बिभिन्न सामाजिक कार्य गर्दै आएको युवाहरुको सामाजिक संजाल समुह WE ARE ONE (WAO) र YOUTH IN SOCIAL CHANGE को संयुक्त आयोजनामा हुन लागेको उक्त शो को लागि लिओ क्लब अफ पोखरा पिस भ्याली र पहिलो पाइलाले सहकार्य गरेका छन् भने युथ हेल्पिङ ह्यान्डस,ब्लाइन्ड युथ एसोसिएसन नेपाल र मुस्कान गाइज लगायतको सपोर्ट रहेको छ ।
बालबालिकालाई उचित शिक्षा दिने काम सरकारको हो तर सधैं सरकारको मुख ताकेर मात्र बस्नु भन्दा नागरिक स्तरबाट समेत सामाजिक परिवर्तनको लागि सबैले सक्दो पहल गरौँ भन्ने उद्देश्यले नै यो कार्यक्रम गर्न लागिएको WE ARE ONE का संयोजक सूर्य तिमिल्सिनाले बताए |उनका अनुसार च्यारिटी शो बाट बचेको रकमबाट तनहुँको घिरिङ गाउँपालिकामा रहेको राष्ट्रिय मा.वि. मा शैक्षिक तथा खेलकुद सामाग्री,सेतोपाटी,कम्प्युटर लगायतका सामाग्री वितरण गरिने छ ।
दुर्गम भेगका बिध्यार्थीहरु पनि सूचना प्रविधि संग जानकार हुन् भन्ने उद्देश्यले आँफुहरुले यो अभियान संगै दुर्गम भुगका बिद्यालयमा समेत कम्प्युटर शिक्षाको लागि पहल गरिरहेको Youth In Social Change का प्रदिप ज्ञवालीले बताए |आँफुहरुको यो कुनै एक बिद्यालय बिशेष कार्यक्रम मात्र नभई अभियान नै भएकोले सहयोगको लागि अपिल समेत गरेका छन् ।
युवाहरुले यस अघि स्याङजा आँधीखोला गाउँपालिकाको चिलाउनेवास प्रा.वि.,सोहि स्थानकै संस्कृत गुरुकुल,धादिङ केवलपुर लगायतका स्थानमा कम्प्युटर,शैक्षिक,खेलकुद तथा खाध्य सामाग्री वितरण गरिसकेका छन् भने अति बिपन्न बिध्यार्थीहरुलाई बिद्यालय शिक्षा सम्म पढाउन जिम्मा नै लिएर वर्षेनी सहयोग समेत गर्दै आएका छन् ।
तपाइँ पनि दुर्गम भेगका बिपन्न बालबालिकालाई पढाइमा प्रोत्साहन गर्ने अभियानमा केहि सहयोग गर्न चाहनुहुन्छ भने सूर्य तिमिल्सिना (९८५६०८३२९९),प्रदिप ज्ञवाली(९८६९०९१७३८),संकेत तिमिल्सिना(९८४६८५६२०१) लाई सम्पर्क गर्न सक्नुहुने छ ।
सम्बन्धित खबर
ईदिखोलामा अवैध रुपमा नदीजन्य पदार्थ उत्खनन गर्ने जेसिवी नियन्त्रणमा
पोखरामा लागूऔषध खैरो हिरोईनसहित २ जना पक्राउ
स्याङ्जाका काँग्रेस नेता खगेन्द्रराज रेग्मीको निधन
पृथ्वी राजमार्गमा सास्ती: हिलो र धुलोले हैरान
गण्डकीका भलिबल खेलाडी स्याङ्जामा सम्मानित
ट्राफिक सप्ताह -२०८१ सम्पन्न
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग