पोखरा । लायन्स क्लब अफ पोखरा लेकसाइडले केदारेश्वर मन्दिर परिसरमा वृक्षारोपण गरेको छ ।
प्रमुख अतिथि रिजन चेयर पर्सन जयराम तिमील्सिनाले रुद्राक्षको बिरुवा रोपी कार्यक्रमको शुभारम्भ गर्दै लेकसाइड जस्तो पर्यटकिय ठाउँमा अवस्थित मन्दिर परिसरमा वृक्षारोपण गरेर क्लबले उल्लेखनीय कार्य गरेको भन्दै आभार प्रकट गरे । उनले वृक्षारोपणले वातावरण सुन्दर, पर्यावरणीय अनुकूल तथा ग्लोबल वार्मिङ न्यूनिकरण गर्नको लागि महत्वपूर्ण भूमिका खेल्ने बताए ।
कार्यक्रमका विशेष अतिथि जोन चेयर पर्सन बिन्दा श्रेष्ठले वातावरण हरियो, स्वच्छ र सुन्दरमय बनाउनका लागि वृक्षारोपण गर्नैपर्ने बताइन् ।

क्लबका अध्यक्ष बलराम पहारीले पर्यटकिय नगरी पोखरालाई अझ सुन्दर बनाउनको लागि प्लास्टिक वा प्लास्टिकजन्य वस्तुहरुको प्रयोग नगरौँ, वातारण संरक्षणको लागि आफ्नो घर वरपर वृक्षारोपण गरौ भन्ने सन्देश दिदै वृक्षारोपण कार्यक्रमको उद्देश्यबारे प्रस्ट पारे । वृक्षारोपणले आफू मात्रै नभई भावी सन्ततीको समेत रक्षा गर्ने हुँदा हरेक व्यक्ति तथा संघसंस्थाले समय समयमा वृक्षारोपण कार्यक्रमको आयोजना गर्नु पर्ने बताए ।
उक्त कार्यक्रममा क्लबका ३५ जना सदस्य सहित स्थानिय समाजसेवीहरु मिलेर १०० भन्दा बढी बिभिन्न जातका बिरुवाको रोपिएको थियो । केदारेश्वर मन्दिर परिसरमा रुद्राक्ष, धुपी, कपुर, पारीजात लगाएतका बिरुवाहरु रोपिएको थियो ।

सो अवसरमा पहिले रोपिएका बिरुवाहरुको गोडमेल गर्ने तथा झाडी फडानी समेत गरिएको थियो । पहिले बिरुवा रोपिएको ठाउँमा मोटर गाडी पार्किङ गर्ने गरिएको हुँदा उक्त स्थललाई तारबार लगाइ पार्किङ गर्न नमिल्ने समेत बनाइएको खिम लामिछानेले जानकारी दिए ।
सम्बन्धित खबर
भैरहवाबाट पोखरा आउँदै गरेको बसमा सवार एक युवक लागुऔषधसहित पक्राउ
भैरहवाबाट पोखरा आउँदै गरेको बसमा सवार एक युवकबाट लागुऔषध बरामद
सरुभक्त राष्ट्रिय बालप्रतिभा पुरस्कारबाट बाल सामाजिक अभियन्ता प्रेन्सा रेग्मी सम्मानित
कोदो फल्ने बारीमा सयपत्री
स्याङ्जामा राति १० बजेपछि देउसी–भैलो खेल्न रोक
सम्झौता भएको ६ वर्ष बित्दा पनि बनेनन् स्याङ्जाका ३ आयुर्वेद औषधालयका भवन
यो पनि पढौँ
नेपाल जेसीजको राष्ट्रिय उपाध्यक्षमा पोखराका सुमन पहारीको उम्मेदवारी
गण्डकी प्रदेश खेलकुद परिषद्का सदस्य सचिव श्रीधर शर्मा बर्खास्त, उपसचिव परियारलाई जिम्मेवारी
दानबहादुर कार्कीलाई सरकारले आइजीपीबाट हटायो, कानुनी जटिलताबाट बच्न नयाँ जिम्मेवारी सुरक्षा सल्लाहकार !
पदावधि बाँकी रहेका पदमुक्त आइजीपी कार्की कानुनी उपचार खोज्न छलफलमा