तनहुँ । तनहुँको डाँडाटोलबाट १ लाख भन्दा धेरैको सुनचाँदीका गहना चोरी गर्ने चोर लाइ विहिबार प्रहरिले गहना सहित पक्राउ गरेको छ । विहिबार बिहान अन्दाजी २ बजेको समयमा आबुखैरेनी गाउँपालिका वडा नं. ३ डाँडाटोलमा रहेको सुनचादी पसल बाट छोरि गर्ने लाइ तनहुँ प्रहरीले पक्राउ गरेको हो ।

चितवनको राप्ती नगरपालिका वडा नं. १३ कालीखोला बस्ने बर्ष २२ को सुशिल प्रजा लाइ प्रहरी पक्राउ गरेको हो । बलराम खनाल सुनारले संचालन गरेको सुनचाँदी पसलको ढोका फुटाली पसल भित्र राखिएको १ लाख ४ हजार ४९५ रुपैयाँ बराबरको नगद रुपैया, सुन तथा चाँदीका गहनाहरु चोरी भएको थियो । चोरी भएको भन्ने जानकारी प्राप्त भए पछी प्रहरी टोली तत्काल परिचालन भई चोरी कार्यमा संलग्न ब्यक्तिको खोजतलास गर्दा सुशिल प्रजालाई आबुखैरेनी गाउपालिका वडा नं. ४ पावरहाउस नजिक झोलामा चोरीको सामान राखेर भाग्दै गरेको अबस्थामा प्रहरीले पक्राउ गरेको हो ।

प्रजाको साथ बाट चोरीको नगद ५ हजार १५५ रुपैयाँ, सेतो चाँदीको सिक्री ३ थान, चाँदीको पाउजु ७ थान, पहेलो धातुको औठी ११ थान, चाँदीको औठी ६ थान, मुगा सहितका पथ्थरहरु ३४ थान, औठी बनाउन प्रयोग हुने औजार १ बट्टा समेत फेला पारिएको प्रहरीले जनाएको छ । चोरि गर्ने सुशिल प्रजालाई विहिबार नै जिल्ला अदातल तनहुँमा उपस्थित गराई म्याद थप गरी थप अनुसन्धान भइरहेको जिल्ला प्रहरी कार्यालय तनहुँका डीएसपी सुनिल मल्लले जानकारी दिए ।