पोखरा, ११ साउन / पोखरा सिर्जनाचोक स्थित पोखरा मल्टिमोडल क्याम्पसमा गुरुपूर्णिमाको अवसरमा गुरु वर्गलाई सम्मान र कक्षा ११ का नवआगन्तुक विद्यार्थीहरुलाई स्वागत गरिएको छ ।
पोखरा मल्टिमोडल प्रा.लि.का प्रबन्धक सञ्चालक राजकुमार गिरीको अध्यक्षतामा भएको कार्यक्रमा क्याम्पस प्रमुख कृष्ण बहादुर के.सी ले विद्यार्थीहरु एकलव्य जस्तै शिष्य बन्नु पर्ने एवं गुरुहरु विद्यार्थीहरुको मुटु र मस्तिष्कमा छाउनुपर्ने विचार व्यक्त गरे ।
सो अवसरमा पोखरा मल्टिमोडल प्रालिका उपाध्यक्ष एवम् वरिष्ठ प्राध्यापक रामनाथ अधिकारीलाई विद्यार्थीहरुले दोसल्ला ओढाएर सम्मान गरेका थिए । कार्यक्रममा त्रि.वि.प्राध्यापक संघ पोखरा मल्टिमोडल क्याम्पस एकाइका अध्यक्ष नगेन्द्र भण्डारी लगायतले मन्तव्य व्यक्त गरे ।
दिवा कार्यक्रम संयोजक बाबुराम लामिछानेले स्वागत गरेको कार्यक्रममा प्रा.डा. यदुनन्दन उपाध्यायले धन्यबाद ज्ञापन गरेका थिए । मल्टिमोडलका विद्यार्थीहरुले सम्पूर्ण गुरुवर्ग तथा कर्मचारीलाई मायाको चिनो एवं माला लगाएर सम्मान गरेका थिए ।
कक्षा १२ का विद्यार्थी नीता प्रधान, श्रेया गिरी, देव नेपाली र कविता पौडेलले कक्षा ११ का विद्यार्थीलाई स्वागत गरे भने कक्षा ११ का तर्फबाट उत्पल पौडेल र सम्झना सुनुवारले स्वागत गह्रण मन्तव्य राख्दै धन्यवाद दिएका थिए ।
उक्त अवसरमा प्रमिला दुलाल, आयुश रानाभाट, आशा तामाङ, एन्जिला नेपाली, कविता पौडेल, सुस्मिता तामाङ, रक्षा थापा, अलिशा घर्ती र अविना पहारीले नृत्य एवं विविध सांस्कृतिक कार्यक्रम प्रस्तुत गरेका थिए भने कार्यक्रम सञ्चालन कपिल सुवेदी, श्रेया गिरी, शुशिल दाहाल र अविना पहारी गरेका थिए ।
सम्बन्धित खबर
जंगली कुखुरा मार्न गएका बेनीका युवकको भीरबाट लडेर मृत्यु
चार वर्षमै अर्जुनचौपारीको शिक्षा क्षेत्रमा ठूलो फड्को
स्याङ्जामा बालबालिकालाई सारङ्गी सिकाइँदै, जोगाइँदै मौलिक संस्कृति
भरुवा बन्दुकसहित एक वृद्ध पक्राउ
गण्डकी प्रदेश प्रमुख भट्टसमक्ष मुस्लिम आयोगको वार्षिक प्रतिवेदन पेस
छैटौं टाइगर कपमा २२ लाख ६५ हजार रुपैयाँ बचत
यो पनि पढौँ
ओली र लेखकलाई पक्राउ गर्न ‘हतार’ भएको गृहमन्त्री सुधन गुरुङद्वारा स्वीकार
सरकारले फेरि बढायो डिजेल र इन्धनको मूल्य, कति पुग्यो ?
शेखरले गगनलाई स्वीकार्दै , शशांक र धनराजसहितले छोडे देउवा समूह
सुदनले साधारण सदस्य समेत नरहने गरी पार्टी छाडे