तनहुँ । पृथ्वीराजमार्ग अन्तरगत पर्ने तनहुँको बन्दीपुर गाउँपालिका वडा नम्बर १ बेलभन्ज्याङमा मंगलबार बिहान बस र ट्रक एकआपसमा ठोक्किदा १९ जना घाइते भएका छन् । दुर्घटनामा परि ५ जना गम्भीर घाइते भएका छन् । गम्भीर घाइतेहरुको पोखरा स्थित मणिपाल अस्पतालमा उपचार भैरहेको प्रहरीले जनाएको छ ।
दमौली बाट डुम्रेतर्फ जाँदै गरेको ५ ख ३८३० नम्बरको बस र विपरित दिशाबाट आउँदै गरेको ना ४ ख २९६३ नम्बरको ट्रक एकआपसमा ठोक्किदा उक्त दुर्घटना भएको हो । लालिमा यातायातको बस पोखराबाट कटारीको लागि छुटेको थियो । उक्त दुर्घटनामा यात्रु र चालक गरि १९ जना घाइते छन् ।

घाइते मध्ये ५ जनाको पोखराको मणिपाल अस्पतालमा उपचार भइरहेको जिल्ला प्रहरी कार्यालय तनहुँका डिएसपी सुनिल मल्लले जानकारी दिए । अन्य १० घाइतेहरुको दमौली स्थित रत्नहरि अस्पताल र ४ जनाको लक्ष्मी अस्पताल डुम्रेमा उपचार भैरहेको जिल्ला प्रहरी कार्यालय तनहुँले जनाएको छ । सोमबार पनि तनहुँको छिर्कनेमा कन्टेनरले माइक्रोबस लाई ठक्कर दिदा एकको मृत्यु, १५ जना घाइते भएका थिए ।

यो पनि पढ्नुहोस :
तनहुँको छिर्कनेमा कन्टेनरले माइक्रोबस लाई ठक्कर दिदा एकको मृत्यु, १५ जना घाइते