तनहुँ । व्यास नगरपालिकाले गत असार १९ गते रुख ढलेर ज्यान गुमाएकी तथा घाइते भएका बालिकाहरुको परिवारलाई आर्थिक सहयोग गरेको छ । घरबाट विद्यालय जाने क्रममा रुख ढलेर ज्यान गुमाएका र र्घाईते भएका व्यास नगरपालिका वडा नम्बर ६ शेषटारका एकै परिवारका बालिकाहरुको परिवारलाई नगरपालिकाले ५० हजार रुपँया नगद सहयोग प्रदान गरेको हो ।

बालिकाका पिता तेज बहादुर थापालाइ नगर प्रमुख वैकुण्ठ न्यौपानेले सोमबार उक्त सहयोग रकमको चेक हस्तान्तरण गरेका हुन् । चेक हस्तानतरण गर्दै नगरप्रमुख न्यौपानेले विपद्को अवस्थामा नगरपालिका नगरबासिको साथमा रहेको बताए । उक्त रकमको चेक ग्रहण गर्दै तेज बहादुर थापाले नगरपालिका प्रति धन्यवाद प्रकट गरेका थिए । व्यास नगरपालिकाको विपद् व्यवस्थापन कोष अर्न्तर्गत उक्त रकम सहयोग स्वरुप हस्तान्तरण गरिएको हो ।

रुख ढलेर किच्दा तेजबहादुरकी कान्छी छोरी ८ वर्षीया विनिषा थापा मगरको मृत्यु भएको थियो भने १० बर्षीया माईली छोरी सनिषा गम्भिर र्घाईते भएकी थिईन । र्घाईते सनिषाको कम्मरदेखि मुनिको भाग चल्दैन । सोही घटनामा र्घाईते भएकी थापाकी जेठी छोरी अस्मिताको अवस्था सामान्य रहेको छ ।

यो पनि पढ्नुहोस :

तनहुँको शेषटारमा सालको रुखले किच्दा विद्यालय जादै गरेकी थापाको मृत्यु, दुई दिदीबहिनी गम्भीर घाइते