पोखरा । आईतबार दिउँसो कालोमोसो दलिएका पोखरा ८ सिर्जनाचोक स्थित फिस्टेल सेक्युरिटी सर्भिस प्रालिका प्रबन्ध निर्देशक रस बहादुर गुरुङले लक्की मेनपावर आफूले अहिले सञ्चालन नगरेको जनाएका छन् ।
आईतबार दिउँसो साढे २ बजे कार्यालयमै रहेको अवस्थामा विप्लव नेतृत्वको नेकपाको सहायक संगठन योङ रेड फोर्सका कार्यकर्ताले गुरुङलाई अवैध मेनपावर सञ्चालन गरेको भन्दै कालोमोसो दलेर कार्यालयमा तालाबन्दी गरी पर्चा टाँसेर भागेका थिए ।
गुरुङले लक्की मेनपावर आफूले अहिले सञ्चालन नगर्ने बताउँदै सेक्युरिटी सर्भिस मात्र सञ्चालन गर्ने दाबी गरे । उनले प्रेस विज्ञप्ती जारी गर्दै रेड फोर्सले लगाएको पाँच वटै आरोपको पाँच बुदामा नै खण्डन गरेका छन् ।
विना इजाजत मेनपावर संचालन नगरेको भन्दै उनले आफ्नो सेक्युरिटी सर्भिस प्रालि नेपाल सरकारबाट इजाजत दर्ता नम्बर १५४१६÷०७३÷७४ मा दर्ता गरी सञ्चालनमा रहेको बताएका छन् । यस्तै, सेक्युरिटी कम्पनीको नामबाट मेनपावर सञ्चालन नगरेको, कुनै पनि युवालाई विदेशमा अलपत्र नपारेको, कुनै पनि महिलालाई भारतको बाटो हुँदै विदेश नपठाएको र पठाएका युवाहरु कुनै पनि समयावधि पूरा नगरी नेपाल नफर्किएको विज्ञप्तीमा उललेख गरेका छन् ।
उनले यस विपरितका कार्यहरु भएको भन्ने कहिँकतैबाट सप्रमाण उजुरी आई प्रमाणित भएमा कानुन बमोजिम सजाय भोग्न तयार रहेको पनि बताएका छन् ।
सञ्चालक गुरुङले २०७१ साल भदौ १५ गते वैदेशिक रोजगार विभागबाट लक्की एचआर सोलुसन प्रालि एजेन्टका रुपमा नियुक्ति भएपनि २०७३ असार ८ गतेदेखि एजेन्ट बदर गरेको जनाए ।
सम्बन्धित समाचार
सम्बन्धित खबर
कृषि एम्बुलेन्स पाएपछि वालिङका किसानलाई राहत
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
बिक्रेतालाई ग्यास सञ्चित गरेर नराख्न आग्रह
स्याङ्जाका कृषकलाई साढे दुई करोडभन्दा बढी अनुदान
ग्यास कृत्रिम अभाव सिर्जना नगर्न प्रशासनको आग्रह
स्याङ्जामा वर्षभर १७६ व्यवसायको अनुगमन, ९० हजार रुपैयाँ जरिवाना
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो