तालिम प्राप्त कुकुरको सहयोगमा तनहुँको गुणादिबाट ३ किलो गाजा सहित एक जना पक्राउ

तालिम प्राप्त कुकुरको सहयोगमा तनहुँको गुणादिबाट ३ किलो गाजा सहित एक जना पक्राउ

pakrau-3

तनहुँ । जिल्ला प्रहरी कार्यालय तनहुँ र जिल्ला ट्राफिक प्रहरी कार्यालय तनहुँबाट संयुक्त रुपमा खटिएको प्रहरीको तालिम प्राप्त कुकुर सहितको प्रहरी टोलीले गुणादि बाट लागु औषध गाजा सहित एक जना लाइ पक्राउ गरेको छ ।

धादिङ वेशी बाट पोखरा तर्फ जाँदै गरेको ना १ ख ३६७९ को यात्रु वहाक बस रोकी चेकजाँच गर्ने क्रममा तालिम प्राप्त कुकुरको सहयोगमा बसमा सवार रहेका नबलपरासी बुम्दीकाली गाँउपालिका वडा नं १ घर भई हाल कास्की पोखरा महानगरपालिका वडा नं ४ सिद्धार्थचोक बस्ने वर्ष २० को पारस सार्की पक्राउ परेका हुन ।

सार्कीले बोकेको झोला खानतलासी गर्दा उनले झोला भित्र लुकाई छिपाई ओसार पसार गर्दै गरेको अबस्थामा ३ किलो गाँजा फेला परेको हो । बुधबार म्याग्दे गाउँपालिका वडा नं १ गुणादी स्थित पृथ्वीराजमार्ग सडकमा चेकप्वाईन्ट राखेर राजमार्ग सडकमा चल्ने सवारी साधन तथा संकित ब्यक्तिहरुको चेकजाँच गर्ने क्रममा दिउसो साढे चार बजे प्रहरीले  पक्राउ गरेको हो ।

उक्त लागु औषध गाँजा बरामद गरी उनलाई पक्राउ गरी सो सम्बन्धमा थप अनुसन्धान भइरहेको जिल्ला प्रहरी कार्यालय तनहुँका प्रवक्ता प्रहरी नायव उपरीक्षक श्यामु अर्याल जानकारी दिए ।

प्रतिक्रिया

लेखकको बारेमा

ट्रेन्डिङ