अघिल्लो वर्षमात्र गण्डकीमा झन्डै २ लाख नयाँ सवारीसाधन थपिए । यातायात व्यवस्था कार्यालय गण्डकीको तथ्यांक अनुसार अघिल्लो वर्ष १ लाख ८४ हजार ३ सय ९५ वटा नयाँ सवारी गण्डकीका सडकमा गुड्न थालेका छन् ।

आर्थिक वर्ष २०७३/०७४ को तुलनामा २१ हजार बढि सवारी अघिल्लो आव २०७४/०७५ मा थप भएका छन् । ०७३/०७४ मा भने यातायात व्यवस्था कार्यालयमा १ लाख ६३ हजार सवारीसाधन दर्ता भएका थिए । आर्थिक वर्ष २०७२/०७३ मा १ लाख ४४ हजार ५ सय ३९ सवारी साधन दर्ता हुँदा पछिल्ला दुई वर्षमा ३ लाख ४८ हजार २ सय २७ वटा सवारी दर्ता भए ।
कार्यालयका अनुसार सबैभन्दा बढी ३ लाख ७२ हजार ३ सय १९ वटा मोटरसाईकल दर्ता भएका छन् । थपिएका मोटरसाईकलको संख्या पछिल्लो २ वर्षमा झन्डै ७० प्रतिशत अर्थात २ लाख ६३ हजार ५ सय ६० वटा रहेको छ ।
दुईपाङ्ग्रे बाहेक विलासिताका गाडीहरु बढि दर्ता भएका छन् । कार, जीप, भ्यान लगायतका विलासी सवारीसाधन पछिल्लो २ वर्षमा ४६ हजार ७ सय ८४ र ११ हजार ६ सय एउटा ट्रयाक्टरहरु दर्ताभएका छन् । बस ट्रक र ट्रिपरहरु ८ हजार ९ सय १६, मिनिबस–मिनिट्रक ८ हजार १ सय ३६ नयाँभित्रिए ।यो अवधीमामाईक्रोको संख्यापनिनिकै धेरै थपिएको छ ।
७ हजार ५ सय ३७ वटा माईक्रो गण्डकी कार्यालयमा दर्ता भएका हुन् । १ हजार ५ सय २६ वटा डोजर, एक्साभेटर लगायतनिर्माणका साधन भित्रिए भने ४ वटा दमकल, ७३ वटा एम्बुलेन्स र ९० वटा ट्राइसाइकल दर्ता भएको कार्यालय प्रमुखअच्युतराज रेग्मीले जानकारी दिए । कार्यालय स्थापनाभएदेखि अहिलेसम्म ४ लाख ९२ हजार ७ सय ३० वटा मोटरसाईकल तथा अन्य गाडीहरु दर्ता गरिएका छन् ।

यातायातको सिण्डिकेट खारेज गर्ने निर्णयानुसार दर्ता जहाँ गरिएतापनि ती सवारीहरु नेपालभरि गुड्न पाउँछन् । साविकको धौलागिरी अञ्चल र गण्डकी अञ्चलका बासिन्दाहरुले पनि यातायात व्यवस्था कार्यालय गण्डकीबाट नै सवारी दर्ता गर्ने गरेका छन् । यद्यपि यातायात व्यवस्था कार्यालय बाग्लुङबाट पनि सवारी दर्ता गर्न भने सकिन्छ ।

प्रदेश राजधानी पोखराबाट पृथ्वी, सिद्धार्थ र भूपि शेरचन राजमार्गको लागि सवारीहरु छुट्ने गरेका छन् । हालसम्म कार्यालयले १४ हजारभन्दा बढि सार्वजनिक सवारीहरुलाई रुट ईजाजत दिएको छ । सवारी करबाट कार्यालयले पछिल्ला २१ व्र्षमा १ अर्ब ५ करोड १७ लाख २६ हजार रुपैयाँ राजस्वमात्र संकलन गरेको छ ।

जिल्ला ट्राफिक प्रहरी कार्यालयका अनुसार पोखरामा १ लाख ६० हजार हाराहारीमा मोटरसाईकल सहितका सवारीहरु दैनिक गुड्छन् । पछिल्ला वर्षहरुमा सवारी थपिने दर तीब्र रुपमा बढिरहेको छ ।

– विशन क्षेत्री बिग एफएम