कावासोती, १६ असोज । नवलपुरको पहाडी क्षेत्र बुलिङ्टार गाँउपालिकाको शिव माध्यमिक विद्यालयका प्रधानाध्यापक ओम कुमार श्रेष्ठको रिहाईको माग गर्दै बुलिङटार क्षेत्रका सबै विद्यालयको पठन पाठन ठप्प पारिएको छ ।
विद्यालयमा ढिला आएको भन्दै कक्षा १० मा अध्ययरत विद्यार्थी खुमान सार्की नेपालीलाई कानको जाली फुट्ने गरि कुट्ने प्रधानाध्यापक श्रेष्ठको रिहाईको माग गर्दै नेपाल शिक्षक संघ बुलिङटारले मंगलबारदेखि विद्यालयको पठन पाठन ठप्प पारेको हो ।
नेपाल शिक्षक संघले मंगलबारदेखि १८ गते सम्म विद्यालयको पठन पाठन ठप्प पारेर आन्दोलनमा उत्रिएपछि विद्यालय जाने विद्यार्थीहरुको भविष्य अन्यौलमा परेको छ । गत असोज २ गते कक्षा १० मा अध्ययनरत विद्यार्थी खुमानलाई ढिला आएको भन्दै विद्यालयका प्रधानाध्यापक श्रेष्ठले कानको जाली फुटाइदिएका थिए ।
पीडित खुमानका बुवा वीरबहादुर सार्कीले जिल्ला प्रहरी कार्यालय नवलपुरमा असोज ५ गते किटानी जाहेरी दिएपछि आरोपित प्रधानाध्यापक श्रेष्ठलाई प्रहरीले असोज ११ गते पक्राउ गरि म्याद थप गरेको छ । नवलपुर प्रहरीले पीडितको उजुरीका आधारमा असोज ११ गते श्रेष्ठलाई पक्राउ गरी जिल्ला अदालतबाट म्याद थप गरेको हो ।
अदालतबाट ८ दिनको म्याद थप गराएर श्रेष्ठमाथी कुटपिट एवं अंगभंग गर्ने महलमा मुद्दा चलाइएको जिल्ला प्रहरी कार्यालय नवलपुर मुद्दा शाखाका प्रहरी नायव निरीक्षक टीकाराम पोखरेलले जानकारी दिए ।
घाईते खुमानको भरतपुर अस्पतालमा उपचार भैरहेको छ । भरतपुर अस्पतालका नाक, कान घाँटी रोग विज्ञषेश डा. रमेश भण्डारीका अनुसार प्रधानाध्यापकको कुटाइबाट खुमानको कानको जालीमा क्षति पुगेको छ । उनको सुन्ने क्षमतामा समेत कमी आएको डा. भण्डारीको भनाइ छ ।
घरबाट झण्डै डेढ घण्टा हिँडेर विद्यालय पुग्ने गरेका खुमानसहितका १० विद्यार्थीलाई प्रधानाध्यापक श्रेष्ठले १५ मिनेट ढिला आएको भन्दै लाइन लगाएर कुटेका थिए । यसअघि नेपाल शिक्षक महासंघ नवलपुरले प्रद्यानाध्यापक श्रेठलाई पक्राउ गरिएकोमा आपत्ति जनाउदै प्रेस विज्ञप्तिमार्फत ध्यानाकर्षण भएको जनाएको थियो ।
दैनिक नेपालका लागि विजय चालिसेको न्युज > विद्यार्थीको कान फुटाउने शिक्षक रिहाईको माग गर्दै विद्यालय बन्द
सम्बन्धित खबर
‘रास्वपाका नेताहरु घर-घरमा पुगेर सहकारी पीडित बचतकर्तालाई भड्काए’ [विज्ञप्ति]
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
ढोरवाराही मन्दिरलाई धार्मिक गन्तव्यस्थलका रुपमा विकास गरिँदै
पर्यटकको चाप बढ्न नसक्दा पोखराका पर्यटन व्यवसायी चिन्तित
बागलुङमा ५६ हजार ‘मेट्रिकटन’ आलु उत्पादन
अर्जुन कुमालको कप्तानीमा गण्डकी क्रिकेट टोली घोषणा
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते