गत भदौ २३ गते बेगनास तालमा डुङ्गा डुब्दा ८ जनामो मृत्यु भएकोमा लापवाही कारण मृत्यु भएको भन्दै पोखरा लेखनाथ महानगरपालिका ३१ कमलराज कँडेललाई उजुरी परेको छ ।

कँडेललाई जिल्ला प्रहरी कार्यालय कास्कीले हिरासतमा राखेको छ । उनलाई पोखरा लेखनाथ महानगरपालिका ३१ का स्थानीय र मृत्यु हुनेका आफन्तले उनी विरुद्ध उजुरी दर्ता गरेको जिल्ला प्रहरी कार्यालय कास्कीका प्रवक्ता रविन्द्रमान गुरुङले जानकारी दिए ।

उनिमाथि प्रहरीले अनुसन्धान अगाडी बढाएको छ भने डुङ्गामा क्षमता भन्दा धेरै यात्रुलाई चढाएको र लाइफ ज्याकेट पनि नलगाई चुहिने डुङ्गामा पठाएको कारण उनी विरुद्ध उजुरी परेको प्रहरीले जानकारी दिएको छ । कँडेलको अहिले प्रहरीको निगरानीमा उपचार भैरहेको छ । १० जना सवार गरेको डुङ्गा पल्टदा ८ जनाको ज्यान गएको थियो भने २ जनालाई स्थानीय जलारीले उद्दार गरेको थिए । २ जनाको भाद्र २३ मा नै उपचारको क्रममा ज्यान भएको थियो भने अन्य ६ जनाको शवालाई भाद्र २४ गते प्रहरीले शव निकालेको थियो ।

पोखरा–२८, की कृष्णकुमारी बजगाईं र पोखरा– ३१, की जमुना कँडेल, सपनाका पति ३२ वर्षीय रवि खनाल र २ छोराहरु ८ वर्षीय शिव र ७ वर्षीय शंकर बेपत्ता छन् । डुंगामा सवार बेगनासकै ८ वर्षीय प्राचीन पौडल, कालिकाकी १८ वर्षीय मनिशा बजगाईं र ४ वर्षीय रञ्जीत गैरे को मृत्यु भएको थियो ।

कमलराज कँडेलले तिजको दर खुवाउनको लागि उनीहरुलाई घरमा पठाएको र डुंगामा तालको बिच भगमा पल्टदा दुर्घटना भएको थियो । डुंगामा ताल तर्ने क्रममा पहिला १ बालक डुंगाबाट खसेका थिए । उनलाई उद्दार गर्ने क्रममा डुंगा पल्टिँदा अन्य तालमा बेपत्ता भएको जिल्ला प्रहरी कार्यालय कास्कीले जनाएको छ ।

सुरक्षाको हिसाबले बेगनासताल डुङ्गा व्यवसायी समितिले एउटा डुङ्गामा ५ जना भन्दा बढि सवार गर्न दिदैन । तर कडेलको आफ्नो डुङ्गा भएको कारण उनीहरु १० जना सवार थिए भने डुङग्गा चालकले डुङ्गा खियाउन नजान्ने भएको कारण पनि दुर्घटना भएको हो ।