श्यामशितल परियार, लमजुङ । लमजुङका बालबालिकाले देउसी–भैलो खेली संकलन भएको पैसा द्धन्द्धपीडित बालबालिकालाई प्रदान गरेका छन् । बेसीशहर नगरपालिका–२, भकुण्डे ज्यामिरेका बालबालिकाहरुले तिहारमा देउसी–भैलो खेली संकलन भएको रकम बेसीशहरमै रहेको आदर्श महिला तथा बाल विकास केन्द्रमा रहेका द्धन्द्धपीडित बालबालिकाहरुलाई प्रदान गरेका हुन् ।
तिहारमा देउसी–भैलो खेलेर जम्मा भएको १९ हजार १ सय ८० रुपैयाँ बाल विकास केन्द्रलाई प्रदान गरिएको देउसी–भैलो समूहका युजन धितालले बताए । उनका अनुसार १२ जना बालबालिकाको एक समूहले भैलो खेलेको हो ।
‘परम्परागत रुपमै देउसी–भैलो खेलेर जम्मा भएको पैसा अन्य प्रयोजनमा खर्च गर्न मन भएन । संकलित पैसा सामाजिक सेवामा खर्च गर्नु उत्तम हो भन्ने लाग्यो । त्यसैले भैलो खेली उठेको पैसा द्धन्द्धपीडित बालबालिकाहरुलाई प्रदान गर्यौँ,’ उनले थपे ।
संकलित पैसा बालबालिकालाई प्रदान गर्न पाउँदा खुशी मिलेको देउसी–भैलो समूहकी सुजा थापाले बताइन । उनका अनुसार यस समूहले अघिल्लो वर्ष देउसी–भैलो खेली जम्मा भएको १४ हजार ७ सय ३० रुपैयाँ पनि द्धन्द्धपीडित बालबालिकाहरुलाई नै सहयोग गरेको थियो ।
देउसी–भैलो समूहकी करुणा धितालका अनुसार समूहले विगत ४ वर्षदेखी देउसी भैलोबाट संकलन भएको रकम आदर्श महिला तथा बाल विकास केन्द्रलाई सहयोगस्वरुप प्रदान गर्दै आईरहेको छ । बालबालिकाहरुले भैलो खेली उठेको पैसा द्धन्द्धपीडित बालबालिकालाई सहयोग गरी एउटा राम्रो सन्देश दिएको भन्दै बेसीशहर नगरपालिका वडा नं २ का वडाध्यक्ष गणेश कडेँलले खुशी व्यक्त गरेका छन ।
सम्बन्धित खबर
‘रास्वपाका नेताहरु घर-घरमा पुगेर सहकारी पीडित बचतकर्तालाई भड्काए’ [विज्ञप्ति]
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
ढोरवाराही मन्दिरलाई धार्मिक गन्तव्यस्थलका रुपमा विकास गरिँदै
पर्यटकको चाप बढ्न नसक्दा पोखराका पर्यटन व्यवसायी चिन्तित
बागलुङमा ५६ हजार ‘मेट्रिकटन’ आलु उत्पादन
अर्जुन कुमालको कप्तानीमा गण्डकी क्रिकेट टोली घोषणा
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते