तनहुँ । तनहुँको व्यास नगरपालिका वडा नं ६ अम्रेनी स्थित इन्दु माध्यमिक विद्यालयमा समुदाय प्रहरी साझेदारीका भएको छ ।

शान्ति सुरक्षाका लागि समुदाय र प्रहरी बिचको सम्बन्ध बलियो बनाउन हातेमालो गरी गाँउका सबै टोलमा शान्ति सुरक्षाका लागि टोलदेखि वस्ती र विद्यालयदेखि विश्वविद्यालयसम्म कार्यक्रम लिएर जाने योजना अघि सारेको जिल्ला प्रहरि कार्यालय तनहुँका प्रवक्ता श्यामु अर्यालले बताएका छन् ।

“प्रहरी जनताको सुरक्षाका लागि हो, प्रहरी समुदायमा काम गर्छ, समुदाय र प्रहरी हरेक कार्यमा हातमालो गरी जान चाहन्छ, त्यसका लागि कार्यक्रम गरिएको हो”-प्रहरी सहायक निरिक्षक टिकाराम पोख्रलले बताए ।

यो कार्यक्रमलाई बलियो बनाउन स्थानीय तहसंग सम्झौता गरेकाले यसबाट शान्ति सुरक्षाको अवस्था बलियो र समुदायसंग प्रहरीको सम्बन्ध बलियो हने विश्वास व्यत्त गरेका थिए ।

समुदायक प्रहरी साझेदारी समितिमा विद्यालयका प्रधानध्यापक रामकाजी श्रेष्ठको संयोजकमा समिति गठन भएको हो । समितिमा सह–संयोजक सहायक प्रधानध्यापक बालचन्द्र वाग्ले, विद्यार्थीहरुको तर्फबाट अप्सरा श्रेष्ठ, सर्मिला सुनार, आकाश कुंवर र हरिसिर्जन भण्डारी चयन भएका हुन् ।

त्यस्तै अभिभावक तर्फ बाट परिमाया श्रेष्ठ र अशोक राना चयन भएका हुन् । कार्याक्रममा विद्यालयका व्यवस्थापन समितिका अध्यक्ष चन्द्रकान्त भण्डार, शिक्षक शिक्षिका, विद्यार्थी र अभिभावक लगायतको उपस्थित रहेको थियो ।