रियाज तिमिल्सिना, पोखरा । फिर्के स्थित पोखरा इन्जिनियरिङ कलेज (पेक) मा ऐतिहासिक स्वतन्त्र विद्यार्थी परिषद् चुनाव यही माघ ११ गते हुँदैछ । धेरै लामो कसरतपछि निर्वाचन हुन लागेको हो ।

यसअघि, सन्तोष जिसी र सुदिप कोइरालाले स्वतन्त्र संस्थाको रुपमा रहेको एसएस पेककाे नेतृत्व लिईसकेका छन् । एसएस पेक पश्चात एसडब्ल्यूसी नामकाे स्वतन्त्र संस्थाका लागि चुनाव गर्न खाेजिएपनि सार्थक हुन सकेन । अहिले एसडब्ल्यूसीको पहलमा स्वतन्त्र विद्यार्थी परिषद्को चुनाव हुने पक्का भएको हो ।

स्वतन्त्र विद्यार्थी यूनियनकै चुनाव गर्न खोजिएपनि सम्भव भएन । चुनावमा विद्यार्थीहरु मज्जैले होमिएका छन् । नेपाली काँग्रेस निकट नेविसंघ र नेकपा निकट अनेरास्ववियू प्यानल नै नयाँ नेतृत्व हत्याउन होमिनेछन् ।

अनेरास्ववियूले स्वतन्त्र बिद्यार्थी परिषद्को चुनावका लागि उम्मेदवार सार्वजनिक गरेको छ । किशोर चन्द्र सुवेदीको नेतृत्वमा अनेरास्ववियू चुनावी मैदान उत्रदैंछ । प्रत्यक्षतर्फ सचिवमा भीष्म पौडेल, कोषाध्यक्षमा रेखा केसी, सदस्यहरुमा सलिना गौतम, प्रकाश पुरी, केशव तिवारी, कृष्ण प्रसाद बस्ताकोटी छन् ।

यस्तै, समानुपातिकतर्फ उपसभापतिका लागि बिनय कार्की, सहसचिवमा सागर रानाभाट (समिप), सदस्यहरुमा रोशन बास्तोला र मौसम बरालको नाम सिफारिस गरिएको छ । अहिले दुवै तर्फका विद्यार्थीहरु आफ्नो पक्षमा माहौल बनाउन विभिन्न गतिविधि गरिरहेका छन् । अनेरास्ववियूले रक्तदान लगायतका कार्यक्रम गरिसकेको अनेरास्ववियु नेता सुनिलबाबु पोखरेलले बताए ।

https://www.facebook.com/mindkisor/videos/10210793954005032/