आइतबार राति पृथ्वीराजमार्गको बन्दिपुर गाउँपालिका बिमलनगरबाट तनहुँ प्रहरीले भारी मात्रामा लागु औषध सहित ३ व्यक्ति पक्राउ गरेको छ ।

सुनौलीबाट पोखरातर्फ आउँदै गरेको लु १ ख ७१०५ को रात्री बसमा सवार धर्मेन्द्र मल्लाहको साथबाट लागूऔषध पक्रिएपछि उनकै बयानका आधारमा प्रहरीले धादिङ घर भई हाल पोखरा ८ बस्दै आएका १८ वर्षीय बिशाल थापा मगर र उनका साथी गोरखा घर भई हाल पोखरा ८ बस्ने बर्ष १८ को मनिष कुँवरलाई पक्रउ गरेको हो । रुपन्देही सम्मरीमाई गाउँपालिका ५ घर भएका २७ वर्षीय मल्लाहको पेट र कम्मरको भागबाट पत्रिकामा बेरी राखेको राखेको अवस्थामा प्रहरीले लागु औषध फेला पारेको हो ।

पक्रउ परेकासंग थप अनुसन्धान भइरहेको प्रहरी नायव उपरीक्षक श्यामु अर्यालले जानकारी दिए । गोप्य सूचनाको आधारमा प्रहरीले बिमलनगरमा आकस्मिक चेक पोइट खडा गरेको थियो । प्रहरीले मल्लाहको शरीर तलासी लिदा उनको साथबाट डाईजेपाम सिसि १०० एम्पुल, फेनरागन सिसि १०० एम्पुल र नुफिन सिसि १०० एम्पुल गरी जम्मा ३०० थान लागु औषध बरामद गरीएको जनाएको छ ।

प्रहरीको प्रारम्भिक अनुसन्धानमा धर्मेन्द्र मल्लाहले उक्त लागु औषध आफ्नो नभएको बताएका हुन् । उनले लागु औषध कास्की पोखरा बस्ने बिशाल थापा मगर र मनिष कुँवर भन्ने ब्यक्तीले आफुलाई आइएमइ बाट पैसा पठाई मगाएको प्रहरी सामु बताएका हुन् ।

राजेन्द्र परियार/दमौलीबाट ।

http://gandaknews.com/laguausadh/