पोखरामा अनवरत १५ वर्षदेखि वैदेशिक शिक्षा सम्बन्धमा परामर्श प्रदान गर्दै आएको किङ्स इन्स्टिच्यूटले पुनः जापानी भाषा कक्षा सुरु गरेको छ ।

यहाँको भरपर्दो र विश्वासिलो संस्थाका रुपमा पूरानो ब्राण्ड कायम गरेको किङ्सले सरकारले वर्किङ भिसामा जापानमा कामदार लैजाने भएपछि जापानिज भाषाका कक्षा थप गरेको हो । स्थापनादेखि एकै ठाउँ महेन्द्रपुलमा रहेर विशेषतः अष्ट्रेलिया सहित यूएस, यूके, न्यूजिल्याण्ड र जापान उच्च शिक्षाका लागि जाने विद्यार्थीलाई किङ्सले परामर्शका साथ भिसा प्रक्रियामा सहयोग गर्दै आएको छ ।

किङ्सकी म्यानेजिङ डिरेक्टर रश्मि अधिकारीले जापान जान इच्छुक कामदार र विद्यार्थी दुबैलाई लक्षित गरि भाषामा अब्बल बनाउन पुनः जापानिज भाषा तयारी कक्षा सुरु गरेको जनाईन् । जापानमा मुख्य कुरा नै भाषा भएकाले सरकारले वर्किङ भिसामा लैजाने बताएसँगै जापानिज भाषामा दक्ष प्रशिक्षकद्वारा प्रशिक्षण दिने गरी व्यवस्था मिलाएको उनले सुनाईन् ।

‘हामी कहाँ आउँने भाषाका विद्यार्थी सफल भए हामी सफल हुन्छौं,’ उनले भनिन् ‘त्यही नै हाम्रो सफलता हो । हामी विद्यार्थीलाई शतप्रतिशत भाषामा उत्तीर्ण गराउने गरी तयारी गर्छौं ।’ आउँदो अप्रिलदेखि जापानमा काम गर्न जानेका लागि निवेदन फाराम खुल्ने बताइन्छ । कामको लागि जापान जान पाउने अवसर सरकारी तबरबाट नै भएपछि जापानी भाषा सिक्न खोज्नेको संख्या बढेको छ। उनीहरुलाई अनुभवी प्रशिक्षकबाट भाषा तयारी कक्षा सञ्चालन गर्न किङ्सले सेवा थप गरेको जनाएको छ ।