महेन्द्र जिसी, पर्वत । सौरभ फुड प्रोडक्टले प्याकिङ्ग गरेको व्याच नं. २९ को सोल्टी जिरा मसिनो चामलमा यूरिया जस्तो दाना फेला परेको छ । पर्वत सदरमुकाम कुश्माबजारमा विक्रिम राखीएको चामलको बोरामा रासायनिक मल यूरिया भेटिएको हो ।
पर्वतको कुश्मा नगरपालिका ७ गोदामका कृष्णप्रसाद आचार्यले बजारबाट किनेर लगेको चामलको बोरा खोल्दा यूरिया मल मिसाबट भएको पाईएको हो । कुश्माबजारको दुर्लुङ्गचोकमा रहेको प्रभु शरणम किराना पसलबाट गत आईतवार साँझ चामल घर लगेको र सोमबार बिहान भात पकाउने क्रममा युरिया भेटिएको उपभोक्ता कृष्ण प्रसाद अचार्यले बताउ । खाना खाए लगत्तै सबै परिवारलाई झाडापखाला लागेपछि शंका लागेर चामल हेर्दा युरीयाको जस्तो दाना मिसावट भएको पाएपछि प्रशासन गुहारेको आचर्यले बताए ।
आइतबार सोही बोराको चामल पकाएर खाँदा सोमबार परिवारका झाडापखाला लागेपछि शंका लागेर चामल हेर्दा यूरिया मलका सेता दाना बाक्लै भेटिएपछि जिल्ला प्रशासन कार्यालयमा उजुरी दिएको आचार्यले बताए । उजुरी पछि सौरभ फुड प्रोडक्टले २०७५ मंसिर २५ गते प्याकिङ्ग गरेको व्याच नं. २९ को सोल्टी जिरा मसिनो चामलको बोरा जिल्ला प्रशासन पर्वतमा राखिएको छ ।
चामलको उपभोग्य मिति भने चौबिस महिना रहेको छ । उपभोक्ता आचार्यको उजुरीको आधारमा खाद्य प्रविधि तथा गुण नियन्त्रण डिभीजन कार्यालय बागलुङका निमित्त प्रमुख केदार पौडेल सहितको टोलीले उक्त चामलको बोरा नियन्त्रणमा लिएको थियो भने उक्त गोदाममा रहेका सोही ब्याच नम्बरका चामलका बोरामा भने मिसावट पाइएको छैन ।
पसलको गोदाममा रहेका अन्य बोराहरु हेर्दा भने यूरियाको मिसाबट नभएको पाइएको प्रमुख पौडेलले बताए । प्रारम्भिक अनुसन्धानका क्रममा चामल उत्पादकलेनै त्रुटि गरेको निष्कर्षमा पुगिएको र थप अनुसन्धानका लागि चामल प्रयोगशालामा पठाइने पौडेलले जानकारी दिए ।
सम्बन्धित खबर
कागबेनीमा कलेज बस दुर्घटना, २१ जना घाइते
मनाङमा लुलुगाई मारेको आरोपमा ३ जना पक्राउ
डढेलोले पुर्याएको क्षतिप्रति मुख्यमन्त्री अधिकारी चिन्तित, सचेत रहन आग्रह
पोखरा जेसिजको सप्ताह: रक्तदानदेखि ट्राफिक सचेतना
गण्डकी प्रदेश प्रहरी प्रमुख डिआइजी दुर्गाद्वारा पदभार ग्रहण
गण्डकी प्रदेशको मुख्यमन्त्रीमा अधिकारी नै, नियुक्ति विरूद्धको रिट सर्वोच्चद्वारा खारेज
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग