किरण श्रेष्ठ, तनहुँ । तनहुँ उद्योग वाणिज्य संघको आयोजनामा सातौ तनहुँ महोत्सव हुनेभएको छ । तनहुँ उद्योग वाणिज्य संघको बैठकले सातौ महोत्सव गर्ने निर्णय गरेको हो । महोत्सवका लागि आन्तरीक तयारी भएको तनहुँ उद्योग वाणिज्य संघले जनाएको छ ।

जिल्लाको व्यापार, ब्यवसाय संगै पर्यटन प्रर्वद्वन गर्ने उद्देश्यले महोत्सव गर्न लागिएको तनहुँ उद्योग वाणिज्य संघका अध्यक्ष मानकाजी श्रेष्ठले बताए ।

महोत्सव फागुन १६ गते देखि २७ गते सम्म संचालन हुने बताइएको छ । महोत्सवलाई अन्य महोत्सव भन्दा थप आर्कषक बनाउने तयारी भएको संघका कार्यकारी सचिव बिशेश्वर तिमलसेनाले बताए ।

सातौ तनहुँ महोत्सवका लागि विभिन्न समितिहरु गठन

महोत्सवका लागि विभिन्न समितिहरु गठन गरेको छ । फागुन १७ देखी २७ गते सम्म संचालन हुने महोत्सवका लागि तनहुँ उद्योग वाणिज्य संघ जिल्ला कार्यसमितिको शुक्रबार बसेको बैठकले सातौं तनहुँ महोत्सवको निर्णायक समिति र विभिन्न उपसमिति गठन गरेको संघका कार्यकारी सचिव विश्वेश्वर तिमल्सेनाले बताए ।

बैठकले संघका अध्यक्ष मानकाजी श्रेष्ठको अध्यक्षतामा १३ सदस्य निर्णयक समिति गठन गरेको छ । महोत्सवलाई सफल बनाउन ४३ वटा बिभिन्न उपसमितिहरु गठन गरेको संघले जनाएको छ ।