किरण श्रेष्ठ, तनहुँ । जबर्जस्ती करणी मुद्दामा फरार रहेका तनहुँको घिरिङ गाउँपालिका-४ का वडाध्यक्ष झकबहादुर कुमालले प्रहरीसमक्ष आत्मसमर्पण गरेका छन् ।

वडाअध्यक्ष झकबहादुर कुमाललाई पुर्पक्षका लागी थुनामा राखिएको छ । आफ्नै वडाका युवती बलत्कारको आरोप लागेको कुमाललाई थुनामा राखिएको जिल्ला प्रहरी कार्यालय नवलपुरका सई टिकाराम पोख्रेलले जानकारी दिए ।

गत वैशाख २५ गते आफ्नै वडाकी १७ वर्षिय युवतीलाई नवलपुरको वुङदीकाली गाउँपालिका वडा नम्बर २ को जंगलमा लगेर जबर्जस्ती करणीको प्रयास गरेको आरोपमा युवतीले गत बैशाख ३० गते प्रहरीमा उजुरी दिएकी थिइन् ।

युवतीले उजुरी दिएपछि प्रहरीले निरन्तर खोजी गरेपनि कुमाल फरार थिए । अदालत पक्राउ पुर्जी जारी गरेपछि उनले नवलपुर प्रहरीसामु सोमबार आत्मासर्पण गरेका हुन् ।

सोमबार नै अदालतमा हाजिर गराएको र अदालतको आदेश अनुसार नै थुनामा राखेकोे जिल्ला प्रहरी कार्यलय नवलपुरका प्रहरी नायव निरिक्षक टिकाराम पोखरेलले जानकारी दिए । नवलपुरमा कारगार नभएपछि वडाअध्यक्ष कुमाललाई जिल्ला कारगार चितवन पठाएको पोखरेलले बताए । वडाअध्यक्ष कुमाल तनहुँका भएपनि घटना नवलपुरमा घटेकाले नवलपुरबाटै मुद्धा चलाईएको प्रहरीले जनाएको छ ।