तनहुँ । कुनैपनि मुलुकले संविधान पटक—पटक परिवर्तन गर्दा मुलुकमा बढी अस्थिरता हुने हुँदा संविधान बढि परिवर्तन गर्न नहुने संविधानविद डा. भिर्माजुन आचार्यले बताए ।

सो कुरा संविधानविद डा. आचार्यले शनिबार व्यास नगरपालिकामा निर्वाचित जनप्रतिनिधीहरु स्थानीय सरकारमा अधिकार र सीमाहरु विषयक अन्तरक्रिया कार्यक्रममा बोल्ने क्रममा बताएका हुन् । बोलिभियाले सबैभन्दा लामो ४११ धाराको लामो संविधान लेखेको उनले बताए ।

संविधानमा मौलिक हक अधिकार लेखिनु राम्रो हो तर त्यसलाई कार्यनयन गर्न नसक्नु ठिक नहुने संविधानविद डा.आचार्यले बताए । “स्थानीय तह नेपालको आवश्यकता हो तर प्रदेश होइन डा.आचार्यले भने ।”

त्यसक्रममा आचार्यले निर्वाचित जनप्रतिनिधीहरले सरल र सहज रुपमा सार्वजनिक सेवा दिनुपर्ने, शासन व्यवस्थामा जनताको पहुच र सहभागिता हुनुपर्ने, स्थानीय स्रोत साधान माथि जनताको पहुँच हुनुपर्ने, स्थानीय साधान स्रोतको लाभांस न्यायोचित ढंगले वितरण हुनुपर्ने, सामाजिक, आर्थिक तथा साँस्कृतिक विकास र पहिचानको संरक्षण हुनुपर्नेमा जोड दिएका थिए ।

त्यसक्रममा संविधानविद डा. आचार्यले विश्वका अन्य मुलुकहरु संविधानको विषयमा केही जानकारी नरहेको अवस्थामा नेपालमा भने संविधानको जग हाल्ने काम भएको बताएका थिए ।

तर यतिबेला नेपालीहरुलाई संविधानको विषयमा तिनै मुलुकहरुले पाठ पढाईरहेको आचार्यको भनाई रहेको थियो ।

कार्यक्रममा जिल्ला समन्वय समितिकी उपप्रमुख पवित्रा पौडेल, व्यास नगरपालिकाका प्रमुख वैकुण्ठ न्यौपाने लगायतले बोलेका थिए ।