पोखरा । बाग्लुङ्ग बुर्तिभंगकि गाउँपालिका—४ बस्ने १८ बर्षीया सीता खड्काले चार महिना अघि छोरीलाई जन्म दिईन् । तर, त्यो बच्चाको बाबु सम्पर्कमा छैनन् । न त उनलाई हेरे, न छोरी नै । अविवाहित सीता  सुत्केरी भएपछि घरमा बस्ने अवस्था भएन ।  छोरीको पालनपोषण गर्नकै निम्ती माग्दै हिँड्न थालिन् । गत शुक्रबार भारत पश्चिम बंगाल घर भई हाल पोखराको नयाँबजारमा ब्यबसाय सञ्चालन गर्दै आएकी सरोना मैत्रलाई भेटिन् ।

मैत्रलाई भेट्नु बित्तिकै खड्काले छोरीको पालन पोषणका लागि आफु माग्दै हिँड्ने गरेको भन्दै आफ्नो जीवनका दुःख पीडा सुनाउन थालिन् । ‘यो बच्चा पाल्ने मान्छे कोही होला दिदि ? म पाल्न सक्दिँन ।’ भिख माग्दै पुगेकी खड्काको कुरा उद्धृत गर्दै सरोनाले भनिन् ।

‘उसले बच्चा पाल्न सक्दिँन भनेको महिला दिवसको दिनमा हो । मैले उसको कुरा सुनेर केही मान्छेलाई पनि कुरा गरिदिएँ तर कसैले पाल्न नमानेपछि उसले म त कतै फाल्दिन्छु पाल्न सक्दिँन होला भनेपछि मैले नै पाल्छु भनेको थिएँ ।’ खड्काले एक हप्ता अघि आफुसँग पोखेको गुनासो सम्झँदै सरोना भन्छिन् ।

दुर्घटनामा परी एक्ली छोरी गुमाएको पीडामा रहेकी मैत्रलाई खड्काको कुरा सुनेपछि मनमा लाग्यो ‘बाबु बिहिन यि चार महिने नानीलाई पाल्न पाएँ म पनि मैले गुमाएकी एक्ली छोरीको यादबाट केहि हदसम्म भएपछि राहात महसुस गर्न सक्थेँ ।’

छोरीको अभावमा बसेका मैत्रका श्रीमान् श्रीमती र बाबु बिनाको छोरीलाई पुरुषप्रदान हाम्रो नेपाली समाजमा चार महिनादेखि पालन पोषण गर्दै आएकी खड्काको कुरा मिल्यो । त्यसपछि गत २५ गते मात्रै वडा कार्यालय र प्रहरीको सल्लाहमा उक्त बच्चाको पालन पोषण आफुले लिने भन्दै मैत्रीले कागजात गरेर कानुनी रुपमै खड्काकी छोरीको जिम्मा लिईन् ।

मैत्रले उक्त बच्चाको जिम्मेवारी लिएर पाल्न थालेको १० दिन मात्रै के भएको थियो । एक्कासी बुधबार दुई महिला र दुई पुरुष मैत्रीको घरमा पुगेर बच्चाको १५÷१६ लाख रुपैँया मुल्य तोक्न थाले । केहि दिन अघि मात्रै बच्चाको आमासँग सहमति जनाएर पालेको बच्चा पाल्ने भए १६÷१७ लाख चाहिन्छ भन्दै पैसाको मोलमोलाई गरेको देखेर मैत्रीका परीवार अचम्मित भए ।

‘हामीले त आफ्नी छोरी गुमाएको कारणले गर्दा अर्को छोरी हुन्छ कि भनेर पालेको मात्रै हो । हामीसँग त्यती धेरै पैसा पनि छैन । फेरी बच्चाको आमाले पैसाको कुनै कुरा गरेकी छैनन् ।’ मैत्रकी श्रीमान् श्रीमती भन्छन् । अपरिचित ब्यक्तिले बच्चाको मोलमोलाई गरेको उनिहरु बताउँछन् ।

‘हामिले सहमतीमै बच्चा पालेका हौँ । कागजात पनि गरेका थियौँ’ सरोनाको श्रीमानले भने, ‘ती मान्छेहरुलाई कस्ले उचाल्यो कुन्नी ? आएर बच्चा पाल्ने भए १५÷१६ लाख रुपैँया चाहिन्छ भन्छन् । ती बच्चाकी आमाको पनि तिनीहरु कोहि हैनन् ।’ हाल बच्चाी आमा र बच्चाको मोलमोलाई गर्ने ब्यक्तिलाई कास्की प्रहरीले नियन्त्रणमा लिएर थप अनुसन्धान गरिरहेको छ ।

https://youtu.be/EWzY20UDMYQ