सूर्य तिमिल्सिना । पोखरा महानगरपालिका वडा नं. ७ निबासी गोपाल श्रेष्ठ तिनै व्यक्ति हुन् जो कुनै समय दुनियाँ भन्दा बेग्लै थिए र सामाजिक रुपमा उपेक्षाको सिकार समेत बनेका थिए ।जीवनको पुर्व समय लागुपदार्थ दुर्व्यसनीमा मात्र फंसेनन् दुर्ब्यसनीकै कारण एचआईभी संक्रमित समेत बन्न पुगे । त्यस्तो अवस्थाको मान्छे पछी गएर कसैको प्रेरणाको श्रोत बन्ला भनेर कसैले आंकलन समेत गरेका थिएनन् उनीलाई । बरु उल्टै समाजमा तिरस्कार र अपमानको पात्रको रुपमा चिनिन्थे ।
हिजो आफ्नै जीवन देखि हारेको व्यक्ति आज मृत्युलाई समेत हराएर धेरै युवाको प्रेरणाको श्रोत बन्न पुगेको छ भन्दा बिश्वास गर्न गार्है पर्छ । तर उनि नयाँ जोश र जाँगरका साथ एउटा सार्थक अभियानको दौडमा छन् । त्यो हो सगरमाथा आरोहण । हजारौ मानिसहरुले चुमिसकेको सगरमाथाको आरोहण फेरी अरु कसैले आरोहणको तयारी गरिरहेछ भन्ने विषय खास मानिसहरुका लागी नौलो नहुन सक्छ ।तर उनको बिगत र बर्तमानलाई केलाउने हो भने आफ्नो जीवन देखि हार खाएका र केहि गर्ने अठोट भएकालाई प्रेरणाको श्रोत बन्न पुगेका छन् ।
६ हजार मिटर माथिका तिन वटा हिमालको सफलातापूर्बक आरोहण गरिसकेका उनि पुर्ब राष्ट्रिय टिमका फुटबलर समेत हुन् । एच.आइ.भी संक्रमित समेत समाजमा केहि गर्न सक्षम छन् भन्ने देखाउनु र उनीहरु प्रति समाजका आम मानिसको दृष्टीकोण परिवर्तन गर्नु नै उनको सगरमाथा आरोहण अभियानको मुख्य उद्देश्य हो ।
एच आई भी संक्रमित श्रेष्ठले बोलेर भन्दा पनि गरेर देखाउनुपर्ने र कामलाई बढी महत्व दिनुपर्ने बताए । उनले राम्रो कार्यमा सहयोगको लागि अपिल गर्दै सबै सामाजिक व्यक्तित्वलाई सहयोगको आह्वान समेत गरेका छन् ।सगरमाथा आरोहणको लागि करिब ४५ लाख लाग्ने अनुमान गरिएको छ । जसमध्ये आधा जसो रकमको जोहो भैसकेको छ भने बाँकी रकमको लागि सबैमा सहयोगको लागि आग्रह गरेका छन् ।
सम्बन्धित खबर
तनहुँमा बुवाको हत्या आरोपमा छोरा पक्राउ
गण्डकी प्रदेशसभाको बैठक अनिश्चितकालका लागि स्थगन
गण्डकीका बिनाविभागीय मन्त्रीले पाए जिम्मेवारी: चुमानले अर्थ र मनाङेले भौतिक मन्त्रालय
गायिका एवं उद्यमी शान्तिले गरिन् बुटिकको शाखा विस्तार
स्याङ्जा भिरकोटका दुईजना अवैध लागूऔषधसहित पक्राउ
पोखराको लेकसाइडबाट अवैध लागु औषध र नगदसहित ४ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग