Gandak News
Our News Your Views

साथीहरु सँगै रक्सी खाए, तीन जना मिलेर सन्तोषको हत्या गरे

सँगै टिल्ल हुने गरी रक्सी खाएर घर हिँडेका तीन जनाले आफ्नै साथीको हत्या गरेपछि कानुनानुसार कारबाहीका लागि प्रहरी खोरमा जाक्किएका छन् ।

पर्वत जिल्ला मोदी गाउँपालिका वडा नं. ८ चित्रेका ३३ वर्षीय सन्तोष भन्ने गङ्गाप्रसाद वि.क.को हत्यामा संलग्न उनकै ३ जना साथीहरूलाई पक्राउ गरिसकिएको जिल्ला प्रहरी कार्यालय पर्वतले जनाएको छ । गत चैत १२ गते रक्सीको नसामा आफ्नै साथीको हत्या गरेका २३ वर्षीय दलबहादुर नेपाली, २३ वर्षकै रविन सुनार र २६ वर्षीय कृष्णबहादुर सुनार प्रहरी हिरासतमा छन् ।

राती ९ बजेको समयमा सँगै बसेर मदिरा सेवन गरेका उनीहरुले विवाद भएपछि चित्रेको नेपानेमा रहेको सादी खोलामा उनीहरूले गङ्गाबहादुरको हत्या गरेर नाङ्गै बनाएर फालेका थिए ।

राति नै नेपानेमै रहेको सामुदायिक जङ्गलमा लुकेर बसेको अवस्थामा डिएसपी भुवनेश्वर तिवारी सहितको टोलीले दलबहादुर र रविनलाई पक्राउ गरेको थियो । फरार कृष्णबहादुर पनि नेपानेकै जङ्गलबाट शुक्रवार बिहान पक्राउ गरिएको हो ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको