सूर्य तिमिल्सिना, मुस्ताङ । मुस्ताङको वारागुङ मुक्तिक्षेत्र गाउँपालिकाले कृषकहरुका लागि आधुनिक मिनि टिलर अर्थात हाते ट्रयाक्टर वितरण गरेको छ । गाउँपालिकाले कृषिमा आधुनिकि कारण ल्याउने उदेश्यले कृषकहरुलाई ५० प्रतिशत अनुदानमा हाते ट्रयाक्टर वितरण गरेको हो ।
गाउँपालिका स्थित कृषि शाखा कागबेनीमा एक कार्यक्रम गरि कृषकहरुलाई १३ थान हाते ट्रयाक्टर वितरण गरेको गाउँपालिकाका प्रमुख प्रशासकीय अधिकृत दिपक रेग्मीले बताए । गाउँपालिकाका अध्यक्ष फेन्चोक छेप्तेन गुरुङले कृषकहरुलाई आधुनिक कृषि यन्त्र बितरणबाट थोरै लगानीमा धेरै उत्पादन हुने बिश्वास व्यक्त गरे । साथै आधुनिक यन्त्रको प्रयोग संगै परम्परागत शैलीलाई समेत बिर्सन नहुनेमा जोड दिए । गाउँपालिकाले ५० प्रतिशत अनुदानमा वितरण गरिएका हाते ट्रयाक्टरले कृषकहरुका लागि खोनजोत गर्न सजिलो हुनुका साथै कृषि उत्पादनमा पनि वृद्धि हुने कृर्षकहरु बताउँछन् ।
पोखराबाट प्राबिधिक बोलाएरै सिप हस्तान्तरण
साथै हाते ट्रयाक्टर वितरण पश्चात पोखराबाट मेकानिक्स बोलाएरै कृषकहरुलाई त्यसको प्रयोग तथा सामान्य समस्या आउँदा मर्मत गर्नको लागि समेत सिकाइएको छ । कृषि शाखा प्रमुख खड्क भण्डारीका अनुसार गाउँपालिकामा हाते ट्रयाक्टर संग सम्बन्धित प्राबिधिक नभएकोले कृषकहरुको सहजताका लागि पोखराबाट प्राबिधिक बोलाएर उनीहरुलाई यसको प्रयोग गर्न समेत सिकाइएको हो । यसबाट गाउँपालिकाको कृषि उत्पादनम समेत टेवा पुग्ने बिश्वास लिइएको छ ।
सम्बन्धित खबर
मुस्ताङमा ढिस्कोमा पुरिएर २ मजदुरको मृत्यु
मुक्तिक्षेत्रमा एकै दिन ६ हेली
एमाले बिना मुलुकको समृद्धि र विकास सम्भव छैन: उपमहासचिव गुरुङ
मुस्ताङमा दुई भारतीय पर्यटकको हेली उद्धार
कोरोला नाकामा पहिलो पटक बत्ती बल्यो
कागबेनीमा कलेज बस दुर्घटना, २१ जना घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग