तनहुँ । पृथ्वी राजमार्ग अन्तरगत तनहुँको कमलबारीमा शनिबार दुर्घटना भएको छ ।

व्यास नगरपालिका वडा नम्बर १२ कमलबारीमा फलामको रड बोकेको ट्रक सडकबाट तल खस्दा दुर्घटना भएको हो ।

डुम्रेबाट दमौली तर्फ आउदै गरेको ग १ ख ७३०७ नम्बरको ट्रकले दमौलीबाट डुम्रे तर्फ जादै गरेको ना ७ ख ७७५८ नम्बरको अर्को ट्रक लाई साइड दिने क्रममा डुम्रेबाट दमौली आउदै गरेको बा ९९ प ४५५२ नम्बरको मोटरसाइकल लाई ठक्कर दिएको जिल्ला प्रहरी कार्यालय तनहुँले जनाएको छ ।

उक्त दुर्घटनामा परि घाइते हुनेमा मोटरसाइकल चालक स्याङ्जा आदिखोला गाउँपालिका-५ बस्ने वर्ष ४६ को अर्जुन कुमार शर्मा रहेको प्रहरीले जनाएको छ ।

घाइते शर्माको दमौली स्थित एपोलो अस्पतालमा उपचार भईरहेको प्रहरीले जानकारी दिएको छ ।

ग १ ख ७३०७ नम्बरको ट्रक सडकबाट करिब १०० मिटर तल खसेको जिल्ला प्रहरी कार्यालय तनहुँले जनाएको छ ।

तस्बिर : प्रकाश अधिकारी