तनहुँ । तनहुँको भिमादबाट आधामारा जादै गरेको जिप जुकेपानि स्थित खोलामा खस्दा शनिबार दुर्घटना भएको छ ।

शनिबार सवा ३ बजेको समयमा भिमाद नगरपालिका वडा नं. २ जुकेपानि स्थित ग १ज ६५२५ नं. को जिप सडक बाट तल खस्दा दुर्घटना भएको हो ।

उक्त दुर्घटनामा जिपमा सवार ८ जना घाइते भएका छ्न । घाइते लाई उपचारको लागि गण्डकि मेडिकल कलेज पोखरा पठाईएको जिल्ला प्रहरी कार्यालय तनहुँले जनाएको छ ।

सडकबाट अन्दाजी १५ मिटर तल खोलामा खस्न गई दुर्घटना भएको जिल्ला प्रहरी कार्यालय तनहुँका डिएसपी लिलाराज लामिछानेले जानकारी दिए ।

जिप घटनास्थलमानै रहेको र जिप चालक प्रहरीको नियन्त्रणमा रहेको जिल्ला प्रहरी कार्यालय तनहुँले जनाएको छ ।

उक्त दुर्घटनामा परि घाइते हुनेहरुमा भिमाद नगरपालिका वडा नं. १ काउले बस्ने वर्ष ४२ को तारा बि.क., वर्ष २४ कि सिता थापा, वर्ष ६६ कि सोभा थापा, वर्ष २२ कि शान्ती थापा, वर्ष ४० को पुर्ण परियार, वर्ष ४० कि पार्वती थापा, वर्ष ३५ कि सेति मायाँ परियार, वर्ष २२ कि पविना थापा रहेको प्रहरीले जनाएको छ ।

घाइतेहरुको हात र खुट्टामा चोट लागेको र अबस्था मध्यम रहेकोे जिल्ला प्रहरी कार्यालय तनहुँले जनाएको छ ।